గత 17 నెలలుగా పార్టీ నిర్వహించిన కార్యక్రమాల్లో ఎంతమంది నాయకులు పాల్గొన్నారు ? శక్తివంతమైన బూత్ కమిటీలను నిర్మించడంలో ఎక్కడ లోపించారు వంటి అంశాలు కూడా విశ్లేషణలో భాగమయ్యాయి. పార్టీలో ఉంటూనే అధికారంలో ఉన్న వారితో కుమ్మక్కైన నాయకుల జాబితా కూడా జగన్ చేతుల్లోకి వెళ్లినట్లు చెబుతున్నారు. వీరు పార్టీకి ఉపయోగం ఉండకపోవడంతో, కనీసం కొద్దిమంది నాయకులను మార్పులకు గురి చేసి మిగతావారికి బలమైన సందేశం ఇవ్వాలని వైసీపీ భావిస్తున్నట్లు సమాచారం. 130 నియోజకవర్గాల్లో అందరినీ మార్చడం సాధ్యం కాకపోవడంతో, కనీసం ఐదు నుంచి పది కీలక స్థానాల్లో సమన్వయకర్తలను మార్చే యోచనలో పార్టీ ఉన్నట్లు తెలుస్తోంది.
ఈ నేపథ్యంలోనే కడప జిల్లా జమ్మలమడుగు నియోజకవర్గ సమన్వయకర్తను తాజాగా మార్చడం రాష్ట్రవ్యాప్తంగా చర్చనీయాంశమైంది. ఆయనే పార్టీలో యాక్టివ్‌గా లేకపోవడం, పార్టీ తరఫున నిర్వహించే కార్యక్రమాల్లో పాల్గొనకపోవడం ప్రధాన కారణాలుగా చెప్పబడుతోంది. ఇదే పరిస్థితి పలు జిల్లాల్లోనూ ఉన్నప్పటికీ, ప్రతిచోటా మార్పులు చేయడం ప్రాక్టికల్ కాదన్న భావన పార్టీ అధిష్ఠానంలో కనిపిస్తోంది. ప్రత్యేకంగా ఉత్తరాంధ్రలో పలువురు మాజీ మంత్రులు, సీనియర్ నాయకులు కూడా పార్టీ కార్యకలాపాల్లో పెద్దగా కనిపించకపోవడాన్ని జగన్ తీవ్రంగా పరిగణించినట్లు తెలుస్తోంది.
అందుకే అక్కడ కూడా మార్పుల వైపు అడుగులు వేయాలని పార్టీ ఆలోచిస్తున్నది. ఈ నెలాఖరుకే ఇందులో స్పష్టత వచ్చే అవకాశం ఉందని పార్టీ వర్గాలు చెబుతున్నాయి. ఈ మార్పులు నేతలకు షాక్‌ ఇచ్చి వారిని యాక్టివ్‌గా మారుస్తాయా ? లేకపోతే వారు అలాగే నిర్లక్ష్యంగా వ్యవహరిస్తూనే కొనసాగుతారా ? అనేది రాజకీయ వర్గాల్లో ఆసక్తికరంగా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి