టమాటాలతో చేసే ఏ వంటకమైనా కూడా చాలా రుచిగా ఉంటుంది. టమాటాల ధర ఎక్కువగా ఉన్నా తక్కువగా ఉన్న వీటిని మాత్రం కొనుగోలు చేయకుండా జనాలు ఉండలేరు. పైగా టమాటాలు మన ఆరోగ్యానికి కూడా ఎంతో మేలు చేస్తాయి.ప్రతి రోజూ ఒక్క టమాటాను తీసుకున్నా కూడా మన ఆరోగ్యానికి ఎంతో మేలు కలుగుతుంది. అయితే చాలా మంది కూడా వర్షాకాలంలో టమాటాలను తీసుకోరు. కానీ వర్షాకాలంలో కూడా టమాటాలను తీసుకోవచ్చని ఆరోగ్య నిపుణులు చెబుతున్నారు. ఈ టమాటాలు మన ఆరోగ్యానికి మేలు చేసేవే అయినప్పటికి వీటిని తీసుకునే విషయంలో చాలా మంది చాలా అపోహలు కలిగి ఉన్నారు.షుగర్ వ్యాధి గ్రస్తులు అలాగే గర్భిణీ స్త్రీలు టమాటాలను తీసుకోకూడదని చాలా మంది కూడా అపోహపడుతూ ఉంటారు.అయితే నిజంగా గర్భిణీ స్త్రీలు టమాటాలను తీసుకోకూడదా.. దీని గురించి ఆరోగ్య నిపుణులు ఏమంటున్నారు..ఈ టమాటాలను తీసుకోవడం వల్ల మనకు కలిగే ప్రయోజనాలు ఏమిటి.. వివరాలను ఇప్పుడు తెలుసుకుందాం.


 ఈ టమాటాలను తీసుకోవడం వల్ల గుండె ఆరోగ్యం మెరుగుపడుతుంది. రక్తపోటు కూడా అదుపులో ఉంటుంది.అలాగే శరీరంలో కొలెస్ట్రాల్ స్థాయిలు కూడా అదుపులో ఉంటాయి.ఈ టమాటాలను తీసుకోవడం వల్ల దీనిలో ఉండే లైకోపీన్ క్యాన్సర్ బారిన పడకుండా కాపాడడంలో సహాయపడుతుంది. ఇంకా అంతేకాకుండా టమాటాలను తీసుకోవడం వల్ల చర్మ ఆరోగ్యం కూడా మెరుగుపడుతుంది.సూర్యుడి నుండి వచ్చే అతినీల లోహిత కిరణాల నుండి మన చర్మాన్ని కాపాడడంలో టమాటాలు సహాయపడతాయి. అలాగే టమాటాలను తీసుకోవడం వల్ల కంటి చూపు కూడా మెరుగుపడుతుంది. కంటికి సంబంధించిన సమస్యలు అసలు రాకుండా ఉంటాయి. అలాగే జీర్ణశక్తి కూడా మెరుగుపడుతుంది. ఇంకా అలాగే టమాటాలల్లో గ్లైసెమిక్ ఇండెక్స్ తక్కువగా ఉంటుంది. కాబట్టి వీటిని షుగర్ వ్యాధి గ్రస్తులు కూడా తీసుకోవచ్చు. అలాగే గర్భిణీ స్త్రీలు కూడా టమాటాలను తీసుకోవచ్చు. ఇక గర్భిణీ స్త్రీలకు అవసరమయ్యే ముఖ్యమైన పోషకాల్లో ఫోలేట్ కూడా ఒకటి. ఇది గర్భస్థ శిశువు యొక్క ఎదుగుదలలో ఎంతగానో తోడ్పడుతుంది. గర్భిణీ స్త్రీలకు చాలా అవసరమైన ఈ ఫోలేట్ టమాటాలల్లో పుష్కలంగా ఉంటుంది. కాబట్టి గర్భిణీ స్త్రీలు కూడా టమాటాలను ఎటువంటి సందేహం లేకుండా తీసుకోవచ్చని నిపుణులు చెబుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

TOMATO

Purushottham Vinay

07/10/2023 11:10 PM