కమల్ హాసన్ తనకు కరోనా పాజిటివ్ వచ్చింది అంటూ స్వయంగా ట్వీట్ చేసి ఈ నెల 22న ఈ సమాచారాన్ని పంచుకున్నారు. కమల్ ట్విట్టర్ లో 'యుఎస్ ట్రిప్ నుండి తిరిగి వచ్చిన తర్వాత నాకు దగ్గు స్టార్ట్ అయ్యింది. పరీక్ష చేయించుకున్న తర్వాత నాకు కరోనా ఉందని తెలిసింది. నేను ఐసోలేషన్లో ఉన్నాను. మహమ్మారి ఇంకా తగ్గలేదని ఇప్పుడు అర్థమవుతోంది. మీరందరూ కూడా క్షేమంగా ఉండాలని నేను కోరుతున్నాను" అంటూ తనకు కరోనా వచ్చిన విషయాన్నీ వెల్లడించారు కమల్.
1960 నుంచి చైల్డ్ ఆర్టిస్ట్ గా కెరీర్ ప్రారంభించిన కమల్ హాసన్ దాదాపు 230కి పైగా సినిమాల్లో నటించారు. అందులో ఎన్నో గుర్తుండిపోయే చిత్రాలను ప్రేక్షకులకు అందించారు. సినిమా రంగానికి ఆయన చేసిన విశేష కృషికి గాను ఆయనకు పద్మశ్రీ పురస్కారం లభించింది ప్రభుత్వం. పద్మ భూషణ్ పురస్కారాన్ని కేంద్ర ప్రభుత్వం 2014లో ప్రకటించింది. మూడు దశాబ్దాలకు పైగా ఆయన మూవీ కెరీర్ లో మొత్తం 171 అవార్డులను అందుకున్నారు. తమిళ సినిమాకు చేసిన సేవలకుగాను తమిళనాడు ప్రభుత్వం ఆయన్ను కళైమామణి బిరుదు ఇచ్చి సత్కరించింది. మరో ప్రతిష్ఠాత్మక ఫిల్మ్ ఫేర్ బహుమతిని కమల్ 18 సార్లు సొంతం చేసుకోవడం ఒక రికార్డు.