రామాయణ ఇతిహాసం ఆధారంగా వస్తున్న ఈ మూవీలో రాముడిగా ప్రభాస్.. సీత పాత్రలో కృతి సనన్ అలాగే రావణుడిగా సైఫ్ అలీ ఖాన్ నటిస్తున్నారు. ఇప్పటికే విడుదలైన టీజర్ ప్రేక్షకులకు నిరాశ పరిచిన విషయం తెలిసిందే. దీంతో ఈ మూవీపై దర్శకుడిపై తీవ్రస్థాయిలో విమర్శలు కూడా వెల్లువెత్తాయి. అయితే వీఎఫ్ఎక్స్ మార్చే పనిలో పడ్డారట మేకర్స్. ఇప్పుడిప్పుడే ఈ సినిమాకు సంబంధించిన ఇంట్రెస్టింగ్ అప్డేట్స్ ఫిల్మ్ సర్కిల్లో చక్కర్లు కొడుతున్నాయట.
ఈ చిత్రం విడుదల తేదీ దగ్గర పడుతుండడంతో ఫస్ట్ సింగిల్ రాబోతుందంటూ కూడా వార్తలు వినిపించాయి. ఈ సాంగ్ కోసం దేశవ్యాప్తంగా ఉన్న మ్యూజిక్ లవర్స్ ఎంతో వెయిట్ చేస్తున్నారు. ఫస్ట్ సింగిల్ అప్డేట్ కోసం ఆత్రుతగా ఎదురుచూస్తున్న ప్రేక్షకులకు సడెన్ సర్ ప్రైజ్ ను ఇచ్చారు మేకర్స్. కాసేపటి క్రితం ఈ చిత్రం నుంచి మొదటి పాట అప్డేట్ రివీల్ చేశారు. ఈ సాంగ్ తెలుగు వెర్షన్ చిన్న బిట్ ను వారు విడుదల చేశారు.
'నీ సాయం.. సదా మేమున్నాం.. సిద్ధం సర్వ సైన్యం.. సహచరులై పదా వస్తున్నాం సఫలం స్వామి కార్య.. మా బలమేదంటే నీపై నమ్మకమే.. తలపున నువ్వుంటే సకలం మంగళమే.. మహిమాన్విత మంత్రం నీ నామం.. జైశ్రీరాం.. జైశ్రీరాం..' అంటూ ఈ పాట సాగుతుంది. ఈ సాంగ్ మోషన్ పోస్టర్ ను కూడా విడుదల చేశారు. రామజోగయ్య శాస్త్రి సాహిత్యానికి అజయ్ అతుల్ సంగీతం అందించారట జైశ్రీరామ్ అంటూ సాగే ట్యూన్ రోమాలు నిక్కబోడుచుకునేలా ఉందంటూ కామెంట్స్ కూడా చేస్తున్నారు ఫ్యాన్స్. వీఎఫ్ఎక్స్ పక్కనపెడితే ఈ సినిమా పై అంచనాలు భారీగానే ఉన్నాయి.
