ఈమూవీ తమిళనాడులో సూపర్ హిట్ తమిళ ప్రజలకు బాగా పరిచయం ఉన్న చోళుల చరిత్ర కావడంతో ఆమూవీని కోలీవుడ్ ప్రేక్షకులు విపరీతంగా చూసారు. అయితే ఆమూవీ తెలుగు డబ్బింగ్ ఇక్కడ ఫ్లాప్ అయింది. వాస్తవానికి ఈసినిమా పబ్లిసిటీ తెలుగు రాష్ట్రాలలో పెద్దగా చేయలేదు. దీనితో పబ్లిసిటీ లోపం కూడ ఒక కారణం అయి ఉండవచ్చు అని అనుకున్నారు అంతా. ఇప్పుడు ఈ నెలాఖరుకు ఈసినిమాకు సంబంధించిన ‘పొన్నియన్ సెల్వెన్’ పార్ట్ 2 విడుదలకాబోతోంది.
అయితే ఈ సీక్వెల్ కు కూడ తెలుగు రాష్ట్రాలలోని సినిమా అభిమానులలో ఎటువంటి క్రేజ్ ఏర్పడటంలేదు. దీనికితోడు ఈమూవీతో పాటు విడుదల అవుతున్న అఖిల్ ‘ఏజెంట్’ పై రోజురోజుకి అంచనాలు పెరుగుతున్నాయి. పరిస్థితులు ఇలా ఉన్నప్పటికీ మణిరత్నం తన సీక్వెల్ కు సంబంధించిన పబ్లిసిటీ తెలుగు రాష్ట్రాలలో ఇప్పటి వరకు మొదలుపెట్టకపోవడంతో మణిరత్నం మరొకసారి తప్పు చేస్తున్నాడా అంటూ కామెంట్స్ వస్తున్నాయి.
తమిళ చరిత్రను తెలుగు ప్రేక్షకులు పెద్దగా పట్టించుకోరు. దీనికితోడు నేటితరం ప్రేక్షకులలో చాలామందికి చరిత్ర పట్ల అవగాహన లేదు. ఈ పరిస్తితులమధ్య తమిళనాడులో ‘పొన్నియన్ సెల్వన్’ పార్ట్ 2 పై కూడ తమిళ ప్రేక్షకులలో విపరీతమైన క్రేజ్ కొనసాగుతోంది. అయితే ఈమూవీ బాలీవుడ్ లో కూడ క్రేజ్ అంతంతమాత్రంగానే ఉండటంతో ఈమూవీ పేరుకు పాన్ ఇండియా మూవీ కానీ వాస్తవానికి తమిళ సినిమాగానే మారిపోతుందా అంటూ కొందరు కామెంట్స్ చేస్తున్నారు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి