അറുപത്തിയൊമ്പതാമത് ദേശീയ അവാർഡ് പ്രഖ്യാപിച്ചു! മികച്ച നടൻ അല്ലു അർജുൻ, മികച്ച ചിത്രം ഹോം! മികച്ച നടിക്കുള്ള പുരസ്‌കാരം ഇക്കൊല്ലം ആലിയ ഭട്ടും കൃതി സനോണും പങ്കിടുകയാണ്. മികച്ച നടനായി അല്ലു അർജുനാണ് തിരഞ്ഞെടുക്കപ്പെട്ടത്. മികച്ച ജനപ്രിയ ചിത്രമായി ആർആർആറും തെന്നിന്ത്യയുടെ അഭിമാനമായി. മികച്ച മലയാള ചിത്രമായി ഹോമും പ്രത്യേക ജൂറി പരാമർശമായി ഇന്ദ്രൻസും തിളങ്ങി. ഫെസ്റ്റിവൽ വേദികളിൽ നിന്ന് കൈയ്യടി നേടിയ ആവാസവ്യൂഹം മികച്ച പരിസ്ഥിതി ചിത്രമായും തിരഞ്ഞെടുക്കപ്പെട്ടു. മികച്ച തിരക്കഥാകൃത്തായി നായാട്ട് സിനിമയുടെ തിരക്കഥാകൃത്ത് ഷാഹി കബീറും മലയാളത്തിൻ്റെ അഭിമാനമായി. 69-ാമത് ദേശീയ ചലച്ചിത്ര പുരസ്‌കാരങ്ങൾ പ്രഖ്യാപിച്ചു. മലയാള സിനിമയ്ക്കും തെന്നിന്ത്യൻ സിനിമ ലോകത്തിനും ഏറെ അഭിമാന നിമിഷം തന്നെയായിരുന്നു ഇത്. നമ്പി നാരായണൻ്റെ ജീവിതം പറഞ്ഞ റോക്കട്രി; ദ നമ്പി ഇഫക്ട്‌സാണ് 69-ാമത് ദേശീയ ചലച്ചിത്ര വേദിയിലെ മികച്ച ചിത്രമായി തിരഞ്ഞെടുക്കപ്പെട്ടത്. 




   മികച്ച നോൺ ഫിക്ഷൻ സിനിമ - ഏക് ദ ഗൗൺ - ഹിന്ദി
ഛായാഗ്രാഹകൻ - ബിട്ടു രാവത് - പാധൽ ധീ ഭോട്ടിയ
സംവിധായകൻ - ബാഖുൽ ബാധ്യാനി - സ്‌മൈൽ പ്ലീസ് - ഹിന്ദി
ഷോർട്ട് ഫിക്ഷൻ ഫിലിം - ധാൽ ബാട്ട് - ഗുജറാത്തി
സ്‌പെഷ്യൽ ജൂറി - രേഖ - മറാത്തി
ആനിമേഷൻ ഫിലിം - കണ്ടിട്ടുണ്ട് - മലയാളം
പരിസ്ഥിതി സിനിമ - മൂന്നാം വളവ് - മലയാളം
ആർട്ട് ആന്റ് കൾച്ചറൽ ഫിലിം - ടിഎൻ കൃഷ്ണൻ ബൗ സ്ട്രിങ്ങ് ടു ഡ്രൈവ് - ഇംഗ്ലീഷ്
ബയോഗ്രഫിക്കൽ സിനിമ - രാഖു. നോൺ ഫീച്ചർ ഫിലിം
നോൺ ഫീച്ചർ ഫിലിം വിഭാഗത്തിൽ 23 ഭാഷകളിൽ നിന്നായി 158 ചിത്രങ്ങളാണ് പരിഗണിച്ചത്. 24 വിഭാഗങ്ങളിലേയ്ക്കാണ് മത്സരം.





   മികച്ച സിനിമ - റോക്കട്രി ദ നമ്പി ഇഫക്ട്‌സ് - തമിഴ്
തിരക്കഥാകൃത്ത് - ഷാഹി കബീർ നായാട്ട്
മികച്ച നടൻ - അല്ലു അർജുൻ - പുഷ്പ
മികച്ച നടി - ആലിയ ഭട്ട്, കൃതി സനോൺ
മികച്ച ബംഗാളി ചിത്രം - കൽകോഘോ ഹൗസ് ഓഫ് ടൈം
മികച്ച ഹിന്ദി ചിത്രം - സർദാർ ഉദ്ധം
ഗുജറാത്തി ചിത്രം - ലാസ്റ്റ് ഫിലിം ഷോ
കന്നഡ ചിത്രം - 777 ചാർളി
മറാത്തി ചിത്രം - സമാന്താർ
മലയാള ചിത്രം - ഹോം.





പ്രത്യേക ജൂറി പരാമർശത്തിൽ നേട്ടം കൊയ്തത് തെന്നിന്ത്യൻ സിനിമകളാണ്. വിജയ് സേതുപതി നായകനായെത്തിയ തമിഴ് ചിത്രം കടൈസി വ്യവസായി, മലയാള ചിത്രം ഹോമിലെ പ്രകടനത്തിന് ഇന്ദ്രൻസിനേയും ജൂറി അഭിനന്ദിച്ചു.തമിഴ് സിനിമ - കടൈസി വ്യവസായി
തെലുങ്ക് ചിത്രം - ഉപ്പേന
മികച്ച ആക്ഷൻ ഡയറക്ഷൻ - ആർ ആർ ആർ
കൊറിയോഗ്രഫി - ആർആർആർ - തെലുങ്ക്

ഇന്ന് വൈകിട്ട് അഞ്ച് മണിയോടെയാണ് അവാർഡ് പ്രഖ്യാപനം ആരംഭിച്ചത്. 2021-ലെ മികച്ച ചിത്രങ്ങളേയും താരങ്ങളേയുമാണ് ഇപ്പോൾ തിരഞ്ഞെടുക്കുന്നത്. നാഷണൽ ഫിലിം ഡവലപ്മെന്റ് കോർപ്പറേഷന് കീഴിലായി 2022 മെയ് മൂന്നിന് നടത്താനിരുന്ന പുരസ്‌കാര പ്രഖ്യാപനം കോവിഡ് വ്യാപനത്തെത്തുടർന്ന് നീട്ടിവെയ്ക്കുകയായിരുന്നു.
For more interesting updates wa click and follow Indiaherald WhatsApp channel

Find out more:

69 national film award

Divya John

24/08/2023 06:46 PM