ചൂഷണം ചെയ്തവരിൽ പ്രധാന നടന്മാരും; അവസരം കിട്ടാൻ വിട്ടുവീഴ്ച ചെയ്യണം: ഹേമ കമ്മിറ്റി! വനിതാ അഭിനേതാക്കളെ ചൂഷണം ചെയ്യുന്നവരിൽ പ്രധാന നടന്മാരും ഉൾപ്പെടുന്നുണ്ടെന്നാണ് റിപ്പോർട്ടുകൾ പറയുന്നത്. അവസരം കിട്ടാൻ വിട്ടുവീഴ്ച ചെയ്യണം. സംവിധായകരും നിർമാതാക്കളും നിർബന്ധിക്കുമെന്നും നടിമാർ പറഞ്ഞതായി റിപ്പോർട്ട് വിവരിക്കുന്നു.മലയാള ചലച്ചിത്ര രംഗത്ത് സ്ത്രീകൾ നേരിടുന്ന പ്രശ്നങ്ങൾ വിവരിച്ച് ജസ്റ്റിസ് ഹേമ കമ്മിറ്റി റിപ്പോർട്ട്. ചലച്ചിത്ര മേഖലയിൽ വ്യാപകമായി ലൈംഗിക ചൂഷണം നടക്കുന്നുവെന്ന് ഒന്നിലധികം പേർ മൊഴി നൽകിയിട്ടുണ്ട്. അതിക്രമം കാട്ടുന്നവരെ സംരക്ഷിക്കാനും ചൂഷണം ചെയ്യാനും പ്രധാന താരങ്ങളടക്കം ഉണ്ട്. ലൈംഗിക ചൂഷണത്തിന് ഏജൻറുമാരുടക്കം പ്രവ‍ർത്തിക്കുന്നുണ്ടെന്ന് റിപ്പോർട്ട് പറയുന്നു.
വഴിവിട്ട കാര്യങ്ങൾ ചെയ്യാൻ നിർമാതാക്കളും സംവിധായകരും നിർബന്ധിക്കുന്നുവെന്നാണ് റിപ്പോർട്ട് പറയുന്നത്. സിനിമാ മേഖലയിലെ സ്ത്രീകൾക്ക് പോലീസിൽ പരാതിയുമായി പോകാൻകഴിയാത്ത സാഹചര്യമാണ് അങ്ങനെ പരാതി നൽകിയാൽ പ്രത്യാഘാതം ഭീകരമെന്ന ഭീഷണിയുണ്ട്. സോഷ്യൽ മീഡിയ ആക്രമണവും പരാതി നൽകാതിരിക്കാൻ കാരണമാണ്. സ്ത്രീകളെ അശ്ലീല ഭാഷയിലൂടെ സൈബർ ആക്രമണത്തിന് വിധേയരാക്കുന്നുവെന്നും റിപ്പോർട്ടിലുണ്ട്. അതിക്രമം നേരിട്ട ഒരു നടിയുടെ അനുഭവവും റിപ്പോർട്ടിലുണ്ട്. അതിക്രമം നടത്തിയ ആളിനൊപ്പം തന്നെ പിറ്റേന്ന് അഭിനയിക്കണ്ടി വന്നു. അയാളുടെ മുഖം കാണുമ്പോഴുള്ള ബുദ്ധിമുട്ട് കാരണം അവർക്ക് 17 റീടേക്ക് പോകേണ്ടി വന്നു. ഇതിൻറെ പേരിൽ സംവിധായകൻ ശകാരിച്ചുവെന്നും മൊഴിയിലുണ്ട്.
ഐസിസി അംഗമായവർ വിധേയപ്പെട്ടില്ലെങ്കിൽ അവരുടെ ഭാവി നശിപ്പിക്കും. ജൂനിയർ ആർടിസ്റ്റുകൾ പ്രശ്നങ്ങൾ തുറന്ന് പറയാൻ പോലും പേടിച്ചു. മലയാളം സിനിമ ഒരു കൂട്ടം സംവിധായകരുടെയും നിർമാതകളുടെയും നടന്മാരുടെയും അധീനതയിലാണെന്നും റിപ്പോർട്ടിലുണ്ട്. ആഭ്യന്തര പരാതി പരിഹാര സമിതികളെ ചില താരങ്ങൾ ഭീഷണിപ്പെടുത്തുന്നു. സ്ത്രീകൾ എന്തിനും വഴങ്ങുമെന്ന പൊതു കാഴ്ചപ്പാട് സിനിമാ രംഗത്തുണ്ട്. സിനിമയിലേക്ക് സ്ത്രീകൾ വരുന്നത് പണത്തിനും പ്രശസ്തിക്കും വേണ്ടിയെന്നാണ് ഇത്തരക്കാരുടെ പ്രചാരണം. നടിമാർ പണം ഉണ്ടാക്കാൻ വരുന്നവർ ആണെന്നും ആരുടെ കൂടെയും കിടക്ക പങ്കിടുമെന്ന പൊതുബോധവും നിലവിലുണ്ട്.
പ്രശ്നക്കാരിയെന്ന് തോന്നിയാൽ ഈ താരങ്ങളെ പിന്നീട് സിനിമയിലേക്ക് വിളിക്കില്ലെന്നും റിപ്പോർട്ട്. സ്ത്രീകൾ മിക്കവരും മൊഴി നൽകിയത് ആശങ്കയോടെയാണെന്നാണ് ഹേമ കമ്മിറ്റി പറയുന്നത്. മൊഴികൾ ഞെട്ടിപ്പിക്കുന്നതാണ്. അശ്ലീലചിത്രങ്ങൾ സമൂഹമാധ്യമങ്ങളിൽ പ്രചരിക്കുന്നതിൽ നടികൾക്ക് വേദനയുണ്ട്.the sky is full of mysteries എന്ന വാചകങ്ങളോടെ ആരംഭിക്കുന്ന 233 പേജുകളുള്ള റിപ്പോർട്ട് സ്ത്രീകൾ അനുഭവിക്കുന്ന ദുരവസ്ഥ വിവരിക്കുന്നതാണ്. സിനിമ മേഖലയിലുള്ളത് വലിയ ക്രിമിനൽ പശ്ചാത്തലമുള്ള ആൾക്കാരാണ് ഇത് സ്ത്രീകൾക്ക് വലിയ പ്രശ്നങ്ങളാണ് സൃഷ്ടിക്കുന്നത്. താരങ്ങളിൽ കാണുന്നത് പുറമെയുള്ള തിളക്കം മാത്രാണ്. ആരെയും വിലക്കാൻ ശക്തിയുള്ളവരാണിവരെന്നും റിപ്പോർട്ട് പറയുന്നു.
Find out more:
click and follow Indiaherald WhatsApp channel