అన్ని పాన్-ఇండియా సినిమాలు విజయం సాధించవు. కొన్ని సినిమాలు ఒక భాషలో హిట్టయినా, మిగిలిన భాషల్లో ఆదరణ పొందలేకపోవచ్చు. ఫలితంగా భారీ నష్టాలు, కెరీర్‌పై ప్రతికూల ప్రభావం పడుతుందని చెప్పవచ్చు. ఒక పాన్-ఇండియా సినిమా షూటింగ్ చాలా ఏళ్లు పట్టొచ్చు. ఈ గ్యాప్‌లో హీరోలు ఇతర ప్రాజెక్టులు ఒప్పుకోలేరు. ఇది ప్రేక్షకులలో ఆ హీరోపై ఉన్న ఆసక్తిని తగ్గించే అవకాశం కూడా ఉంటుందని చెప్పవచ్చు.
పాన్-ఇండియా సినిమాల కోసం హీరోలు 2-3 సంవత్సరాలు లేదా అంతకంటే ఎక్కువ సమయం కేటాయించాల్సి వస్తుంది. ఈ సమయంలో వారు ఇతర సినిమాలు చేసే అవకాశాలు ఉండవు. ఒక హీరో పాన్-ఇండియా సినిమాతో వస్తున్నాడంటే, ఆ సినిమాపై ప్రేక్షకుల అంచనాలు తారాస్థాయికి చేరుకుంటాయి. ఆ అంచనాలను అందుకోలేకపోతే, సినిమా ఫ్లాప్ అయ్యే అవకాశం ఉంటుంది.
భారీ బడ్జెట్‌తో తెరకెక్కిన పాన్-ఇండియా సినిమాలు ఆశించిన విజయం సాధించకపోతే, నిర్మాతలు, డిస్ట్రిబ్యూటర్లు భారీ నష్టాలను ఎదుర్కొనే అవకాశాలు ఉంటాయి. ఇది హీరోల మార్కెట్ ను సైతం ప్రభావితం చేస్తుందని చెప్పవచ్చు. పాన్-ఇండియా టార్గెట్‌తో కొన్నిసార్లు ఒకే రకమైన భారీ యాక్షన్ కథలు ఎంచుకునే ధోరణి ఉంటుంది.
కొంతమంది హీరోలు పాన్-ఇండియా స్థాయిలో విజయం సాధించినప్పటికీ అందరికీ ఇది సాధ్యం కావడం లేదు. పాన్-ఇండియా ట్రెండ్‌ను అనుసరించే క్రమంలో కథ, కథనం, మేకింగ్ క్వాలిటీపై రాజీ పడకుండా చూసుకోవడం ముఖ్యం అని చెప్పడంలో సందేహం అవసరం లేదు. టాలీవుడ్ హీరోలు పాన్-ఇండియా అవకాశాలను అందిపుచ్చుకుంటూనే, తమ కెరీర్‌కు సరైన ప్రణాళికతో ముందుకు వెళ్ళడం అవసరం అని చెప్పవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి