అయితే ఆమె వ్యక్తిగత జీవితం కూడా అంతే చర్చనీయాంశంగా మారింది. కెరీర్ పీక్‌లో ఉన్నప్పుడే ఆమె పెళ్లి చేసుకుని కుటుంబ జీవితం వైపు అడుగుపెట్టింది. పెళ్లి తర్వాత ఇద్దరు పిల్లలకు తల్లి అయ్యింది. ఆ కాలంలో తాత్కాలికంగా కెరీర్‌కు బ్రేక్ చెప్పాల్సి వచ్చింది. కానీ ఇప్పుడు మళ్లీ తన కెరీర్‌ను రీబిల్డ్ చేసుకోవడానికి, తిరిగి పెద్ద అవకాశాలను పొందడానికి ప్రయత్నాలు చేస్తోంది. ఇటీవల ఒక ప్రముఖ యూట్యూబ్ ఇంటర్వ్యూలో పాల్గొన్న ఈమె, ఎన్నడూ లేని విధంగా ఇండస్ట్రీలోని కొన్ని చేదు అనుభవాలను బయటపెట్టింది. “కాస్టింగ్ కౌచ్ అంటే కేవలం హీరోయిన్లకేనా? మాకు యాంకర్స్‌కి కూడా అలాంటి తిప్పలు తప్పవు. ఒక రియాలిటీ షోలో పాల్గొనాలన్నా, ఒక స్పెషల్ ఈవెంట్‌కి హోస్ట్ అవ్వాలన్నా, లేదా ఓ పెద్ద అవార్డు షోలో కనిపించాలన్నా… ప్రతీ చోటా ఈ క్యాస్టింగ్ కౌచ్ ఒత్తిళ్లు ఉంటూనే ఉంటాయి. ఎవరో ఈ ప్రెజర్‌ను తట్టుకుని తమ ప్రతిభతో అవకాశాలను దక్కించుకుంటారు, మరికొందరు కొన్ని ‘కమిట్మెంట్స్’ ఇచ్చి అవకాశాలను పొందుతారు. ఎవరి జీవితం వాళ్లది, ఎవరి పరిస్థితులు వాళ్లవి…” అంటూ ఈమె ఘాటుగా స్పందించింది.
ఇంత బోల్డ్‌గా మాట్లాడటంతో సోషల్ మీడియాలో ఇప్పుడు అందరూ ఈమె గురించే చర్చించుకుంటున్నారు. “ఒక ఛానెల్‌లో యాంకర్‌గా పని చేయాలన్నా ఇలా కమిట్మెంట్స్ అడుగుతారా?”, “మేము ఇప్పటివరకు హీరోయిన్లకే ఈ సమస్యలు ఉంటాయని అనుకున్నాం, ఇప్పుడు యాంకర్స్‌కీ ఇలాంటి ఇబ్బందులు ఉంటాయని తెలిసి షాక్ అవుతున్నాం” అంటూ నెటిజన్లు విస్తుపోతున్నారు. ఈ సంఘటన మళ్లీ ఒకసారి కాస్టింగ్ కౌచ్ అనే పెను సమస్యపై చర్చను రగిలించింది. సినిమా ఇండస్ట్రీలో ఎప్పుడు నుంచి ఈ సమస్య ఉంది, ఎప్పటికి ఇది అంతమవుతుందో ఎవరికీ తెలియదు. స్టార్ హీరోయిన్స్, క్యారెక్టర్ ఆర్టిస్టులు, ఇప్పుడు యాంకర్స్ కూడా ఈ సమస్యను ఎదుర్కొంటున్నారనే విషయం బహిరంగం కావడంతో అందరూ ఆశ్చర్యపోతున్నారు. కాస్టింగ్ కౌచ్ అనే దెబ్బను తట్టుకుని కూడా కెరీర్‌లో ఎదగడం ఎంత కష్టమో ఈ అందాల యాంకర్ చేసిన కామెంట్స్ మళ్లీ రుజువు చేశాయి. ఆమె లాంటి ధైర్యమైన వ్యక్తులు మాత్రమే ఇలాంటి సమస్యలను బహిరంగం చేస్తారు. ఈమె చెప్పిన నిజాయితీ మాటలు ఇప్పుడు ప్రతి ఒక్కరినీ ఆలోచనలో పడేస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి