ముగ్గురు మొనగాళ్ల కలయికలా..
అనిల్ రావిపూడి తన ప్రసంగంలో చిరంజీవి గారి కెరీర్లోని మూడు ఆణిముత్యాలను ప్రస్తావించారు.
ఒక లీడర్ రాజు: ‘జగదేకవీరుడు అతిలోకసుందరి’లో రాజు లాంటి అమాయకత్వం, ధైర్యం కలగలిసిన పాత్ర.
ఒక ఆటో జానీ: ‘రౌడీ అల్లుడు’లో మాస్ డైలాగ్ డెలివరీ, బాడీ లాంగ్వేజ్ మరియు అల్టిమేట్ కామెడీ టైమింగ్.
గ్యాంగ్ లీడర్ లో రఘురామ్: అన్యాయాన్ని ఎదిరించే ఒక పవర్ఫుల్ మాస్ లీడర్ గా ఆటిట్యూడ్.
ఈ మూడు పాత్రల్లో చిరంజీవి గారికి ఉన్న టైమింగ్, గ్రేస్ అంతా వాడుకున్నాను అని అనిల్ చెప్పడం చూస్తుంటే, ఇందులో చిరంజీవి గారు వింటేజ్ మెగాస్టార్ను గుర్తుచేయబోతున్నారని స్పష్టమవుతోంది. అనిల్ రావిపూడి చేసిన అత్యంత ఆసక్తికరమైన వ్యాఖ్య ఏంటంటే మిమ్మల్ని టైమ్ మెషీన్ ఎక్కించి గిర్రన తిప్పుతాను అని తెలిపారు. 1990వ దశకంలో చిరంజీవి గారు బాక్సాఫీస్ను ఎలాగైతే తన నవ్వుతో, ఫైట్లతో, డ్యాన్సులతో ఊపేశారో.. ఈ సినిమా చూస్తున్నప్పుడు ప్రేక్షకులు మళ్లీ అదే కాలానికి వెళ్లినట్లు అనుభూతి చెందుతారు.
చిరంజీవి గారి మార్క్ 'హ్యాండ్ జెస్టర్స్', ఆయన సిగ్నేచర్ స్టెప్పులు మరియు పంచ్ డైలాగులను అనిల్ రావిపూడి తన స్టైల్ కామెడీతో మిక్స్ చేసి ప్రెజెంట్ చేయబోతున్నారు. ఈ సినిమా కేవలం ఒక యాక్షన్ డ్రామా మాత్రమే కాదు, ఇందులో సోషియో ఫాంటసీ ఎలిమెంట్స్ కూడా ఉన్నట్లు తెలుస్తోంది. దేవుళ్లకు, మనుషులకు మధ్య జరిగే ఒక సరదా పోరాటంలో చిరంజీవి గారు తన విశ్వరూపం చూపించబోతున్నారు. ‘వాల్తేరు వీరయ్య’ తర్వాత చిరంజీవి గారు మళ్లీ ఒక మాస్ రోల్ లో కనిపించడం, దానికి అనిల్ రావిపూడి లాంటి ఎంటర్టైన్మెంట్ డైరెక్టర్ తోడవ్వడం సినిమాపై అంచనాలను ఆకాశానికి తీసుకెళ్లింది.
సినిమా మొదలైనప్పటి నుండి ఎండ్ కార్డ్ పడే వరకు మీరు సీట్లో కూర్చోలేరు అని అనిల్ రావిపూడి ఇచ్చిన హామీ మెగా ఫ్యాన్స్కు పెద్ద బూస్ట్ ఇచ్చింది. జనవరి 14న సంక్రాంతి కానుకగా విడుదల కానున్న ‘మన శంకర వరప్రసాద్ గారు’ బాక్సాఫీస్ వద్ద పాత రికార్డులను తిరగరాయడం ఖాయంగా కనిపిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి