ప్రతి సంవత్సరం దీపావళి పండుగ వచ్చింది అంటే చాలు దీపావళి పండుగ సందర్భంగా చాలా సినిమాలను మేకర్స్ విడుదల చేస్తూ ఉంటారు. ఈ సంవత్సరం కూడా దీపావళి సందర్భంగా చాలా సినిమాలు విడుదల అయ్యాయి. ఈ సంవత్సరం దీపావళి పండుగ సందర్భంగా భారీ క్రేజ్ ఉన్న హీరోల సినిమాలు ఏవి విడుదల కాలేదు. కానీ చిన్న హీరోల మరియు మీడియం రేంజ్ హీరోల సినిమాలు మాత్రం బాక్సా ఫీస్ దగ్గర సందడి చేశాయి. ఈ సంవత్సరం దీపావళి సందర్భంగా మొదటగా ప్రియదర్శి హీరోగా రూపొందిన మిత్ర మండలి అనే సినిమా ప్రేక్షకుల ముందుకు వచ్చింది. ఆ తర్వాత సిద్దు జొన్నలగడ్డ హీరోగా రూపొందిన తెలుసు కదా , కిరణ్ అబ్బవరం హీరోగా రూపొందిన కే ర్యాంప్ తమిళ నటుడు మరియు దర్శకుడు అయినటువంటి ప్రదీప్ రంగనాథన్ హీరో గా నటించిన డ్యూడ్ సినిమాలు విడుదల అయ్యాయి. ఈ నాలుగు సినిమాలు కూడా మంచి అంచనాల నడమ విడుదల అయ్యాయి. మొదట విడుదల అయిన మిత్ర మండలి సినిమాకు భారీ నెగటివ్ వచ్చింది.

దానితో ఈ సినిమా బాక్స్ ఆఫీస్ దగ్గర ఏ మాత్రం ప్రభావం చూపలేకపోయింది. ఇక తెలుసు కదా సినిమాకు మిక్స్ డ్ టాక్ వచ్చింది. దానితో ఈ సినిమా బాక్స్ ఆఫీస్ దగ్గర పెద్ద స్థాయి ప్రభావాన్ని చూపలేదు. డ్యూడ్ మూవీ కి మంచి టాక్ వచ్చింది. దానితో తెలుగు రాష్ట్రాల్లో ఈ మూవీ కి మంచి కలెక్షన్లు కూడా దక్కాయి. కానీ ఈ మూవీ కి పెద్ద ఎత్తున ఫ్రీ రిలీజ్ బిజినెస్ రెండు తెలుగు రాష్ట్రాల్లో జరగడంతో ఈ మూవీ బ్రేక్ ఈవెన్ ఫార్ములా ను తెలుగు రాష్ట్రాల్లో కంప్లీట్ చేసుకోలేక పోయింది. ఇక కే ర్యాంప్ మూవీకి మిక్స్ డ్ టాక్ వచ్చినా కూడా ఈ మూవీ భారీ కలెక్షన్లను వసూలు చేసి బ్రేక్ ఈవెన్ ఫార్ములా ను కంప్లీట్ చేసుకుని హిట్ స్టేటస్ను అందుకుంది. ఈ సంవత్సరం దీపావళి సందర్భంగా విడుదల అయిన నాలుగు సినిమాల్లో కే ర్యాంప్ మూవీ బ్రేక్ ఈవెన్ ఫార్ములా ను కంప్లీట్ చేసుకుని హిట్ స్టేటస్ను అందుకుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

04/11/2025 10:40 AM