ఈ ఏడాది రాజ్ కమల్ ఫిల్మ్స్ ఇంటర్నేషనల్ స్థాపించి 44 ఏళ్లు పూర్తవుతున్న సందర్భంగా, ఈ మైలురాయిని గుర్తించేందుకు కమల్ హాసన్ తన కెరీర్‌లో అత్యంత ప్రతిష్టాత్మక చిత్రాన్ని నిర్మించేందుకు నిర్ణయించుకున్నారని నిర్మాతలు తెలిపారు. ఇప్పుడు రజినీకాంత్‌తో కలిసి వారు రూపొందించబోతున్న ఈ మాస్ ఎమోషనల్ యాక్షన్ డ్రామా వారి ప్రొడక్షన్ చరిత్రలో గోల్డెన్ పేజీగా నిలవబోతోంది. ఇక ఈ చిత్రంలో హీరోయిన్ ఎంపిక విషయంలో కూడా మేకర్స్ ఏ మాత్రం తగ్గట్లేదు. అగ్రతారలతోనే ఈ ప్రాజెక్ట్‌ను తీర్చిదిద్దాలన్న సంకల్పంతో ఉన్నారు. అందుతున్న తాజా సమాచారం ప్రకారం, ఈ చిత్రంలో లీడింగ్ లేడీస్‌గా ఇద్దరు కోలీవుడ్ క్వీన్స్ — నయనతార మరియు త్రిష — ఎంపికైనట్లు తెలుస్తోంది. ఈసారి ఈ ఇద్దరు సీనియర్ సూపర్ స్టార్‌లతో కలిసి తెరపై కనిపించబోతున్నారని తెలిసిన అభిమానుల్లో సంబరాలు మొదలయ్యాయి.
సినిమా ప్రీ-ప్రొడక్షన్ ఇప్పటికే మొదలైందని సమాచారం. దేశంలోని అగ్రశ్రేణి టెక్నీషియన్లు ఈ ప్రాజెక్ట్‌లో భాగమవుతారని తెలుస్తోంది. మ్యూజిక్ డైరెక్టర్‌గా అనిరుధ్ రవిచందర్ లేదా ఏఆర్ రెహ్మాన్లో ఒకరిని తీసుకునే ఆలోచనలో ఉన్నట్లు టాక్ వినిపిస్తోంది. సినిమాటోగ్రఫీ బాధ్యతలు వెటరన్ డీపి తిరు భుజాలపై వేసే అవకాశముంది. యాక్షన్ సీక్వెన్స్‌ల కోసం హాలీవుడ్ స్టంట్ మాస్టర్లను కూడా రోప్ ఇన్ చేయాలని యూనిట్ చర్చిస్తోంది. ఇక విడుదల విషయానికి వస్తే — ఈ మాస్ & క్లాసిక్ కాంబినేషన్ చిత్రాన్ని 2027 పొంగల్ కానుకగా ప్రపంచవ్యాప్తంగా విడుదల చేయాలని మేకర్స్ నిర్ణయించారు. షూటింగ్ 2026 మధ్యలో మొదలై, అత్యంత భారీ స్థాయిలో మూడు దేశాల్లో జరగనుందని సమాచారం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి