అయితే ఆ సందర్భంలో మారుతి చేసిన కొన్ని వ్యాఖ్యలు మాత్రం వివాదాలకు దారితీశాయి. ‘రాజా సాబ్ ’ మూవీపై ప్రేక్షకుల్లో భారీ అంచనాలు ఉన్నాయని పేర్కొన్న మారుతి, “రేపు పండగకి మీరు కాలర్ ఎగరేసుకుంటారు అని నేను చెప్పను… కానీ ఇలాంటి మాటలు ప్రభాస్ కటౌట్ ముందు చాలా చిన్నవే. ప్రభాస్ రేంజ్ వేరేది” అని చెప్పాడు. మారుతి ఉద్దేశ్యం ప్రభాస్ స్థాయిని హైలైట్ చేయడమే అయినప్పటికీ, కొన్ని వర్గాలు ఆయన మాటలను తప్పుగా అర్థం చేసుకున్నాయి. గతంలో జూనియర్ ఎన్టీఆర్ వార్ వేదికపై కాలర్ ఎగరేసిన సందర్భం ట్రోల్ అయ్యిందన్న విషయం అందరికీ తెలిసిందే. ఆ సంఘటనను గుర్తుచేసుకుంటూ—“ఎన్టీఆర్‌ని కించపరచడానికి మారుతి కావాలనే ‘కాలర్’ అనే పదం వాడాడు” అంటూ కొందరు సోషల్ మీడియాలో విమర్శలు గుప్పించారు. దీంతో ఎన్టీఆర్ అభిమానులు మారుతిపై తీవ్ర అసంతృప్తితో మండిపడ్డారు.
ఈ వ్యాఖ్యలు నందమూరి అభిమానుల్లో పెద్ద ఎత్తున చర్చకు దారితీయగా, మారుతి అభిమానులు మాత్రం ఆయన మాటలు సరదాగా చెప్పినవేనని, ఉద్దేశపూర్వకంగా ఎవరి మనసు నొప్పించేలా మాట్లాడలేదని వివరణ ఇచ్చారు. అయితే అప్పటికే వివాదం పెద్దదయ్యింది. ఈ నేపథ్యంలో తాజాగా మారుతి అధికారికంగా స్పందించాడు. తన వ్యాఖ్యలు వేరే దిశలో వెళ్లిపోయినందుకు క్షమాపణలు చెబుతూ—“ఎవరైనా నా మాటలకి బాధపడి ఉంటే నేను హృదయపూర్వకంగా క్షమాపణలు కోరుతున్నాను. ఎన్టీఆర్ గారు మరియు ఆయన అభిమానులందరిపట్ల నాకు అపార గౌరవం ఉంది. ఎవరినీ కించపరచడం నా స్వభావం కాదు, అలాంటి ఉద్దేశమూ లేదు” అని తెలిపారు. మారుతి ఇచ్చిన ఈ క్లారిటీ, క్షమాపణలతో వివాదం దాదాపు సద్దుమణిగినట్లే కనిపిస్తోంది. సోషల్ మీడియాలో కూడా విమర్శల వేడి తగ్గుతూ, పరిస్థితి మామూలు స్థితికి చేరుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి