అయితే తాజా సమాచారం ప్రకారం, పవన్ కళ్యాణ్—లోకేష్ కనగరాజ్ కాంబినేషన్ మళ్లీ రివైవ్ అయినట్లు తెలుస్తోంది. రాజకీయ బాధ్యతలతో దూసుకుపోతున్నప్పటికీ, పవన్ ఇటీవల లోకేష్ నేరేట్ చేసిన కొత్త స్క్రిప్ట్‌కి ఓకే చెప్పినట్టు టాలీవుడ్ లోపలి వర్గాల నుంచి వార్తలు వస్తున్నాయి. ఈ ప్రాజెక్ట్‌ను KVN ప్రొడక్షన్స్ పతాకంపై అత్యంత భారీ బడ్జెట్‌తో తెరకెక్కించే అవకాశం ఉన్నట్లు సమాచారం. పూర్తిగా యాక్షన్, స్టైలిష్ ప్రెజెంటేషన్, రా ఇంటెన్సిటీతో నిండిన సినిమా కానుందని టాక్ వినిపిస్తోంది. త్వరలోనే ఈ కాంబినేషన్‌పై అధికారిక ప్రకటన వెలువడే అవకాశం ఉందని ఇండస్ట్రీలో చర్చ జరుగుతోంది.ప్రస్తుతం రాజకీయాల్లో శరవేగంగా పురోగమిస్తున్న పవన్ కళ్యాణ్, ఇటీవల విడుదలైన ఓజీ చిత్రంతో బంపర్ హిట్ అందుకుని మళ్లీ తన స్టార్ ఇమేజ్‌ను నిలబెట్టుకున్నారు. ఆ విజయోత్సాహంతో పవన్ మళ్లీ సినిమాలపై కాస్త ఫోకస్ పెట్టినట్టు తెలుస్తోంది.
పవన్ కళ్యాణ్, హరీష్ శంకర్ దర్శకత్వంలో తెరకెక్కుతున్న భారీ మాస్ ఎంటర్టైనర్ ఉస్తాద్ భగత్ సింగ్ కోసం జనాలు వెయిటింగ్. ఈ సినిమా పూర్తయ్యిన వెంటనే సురేందర్ రెడ్డి దర్శకత్వంలో మరో కమర్షియల్ ఎంటర్టైనర్ చేయనున్నారని ఇండస్ట్రీ వర్గాలు ధృవీకరిస్తున్నాయి. ఈ చిత్రాన్ని 2026 అక్టోబర్ 27న భారీ స్థాయిలో విడుదల చేయాలన్న ప్రణాళికలు కూడా సిద్ధమవుతున్నాయని సమాచారం. మొత్తం మీద, పవన్ కళ్యాణ్—లోకేష్ కనగరాజ్ కాంబినేషన్ రివైవ్ అవుతుందన్న వార్త అభిమానుల్లో కొత్త ఉత్సాహం నింపింది. ఈ ప్రాజెక్ట్‌పై అధికారిక అనౌన్స్‌మెంట్ వచ్చేనాటికి టాలీవుడ్‌లో మరింత హైప్ క్రియేట్ కావడం ఖాయం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి