డిసెంబర్ నెల ఎంటర్ కావడంతో ఈసంవత్సరానికి మరో 30 రోజులలో ముగింపు రాబోతోంది. దీనితో ఈనెల మొదటి వారంలో విడుదలకాబోతున్న ‘అఖండ 2’ ఇండస్ట్రీ రికార్డులను ఏమైనా క్రియేట్ చేయగలదా అన్న ఆశక్తి ఇండస్ట్రీ వర్గాలలో బాగా కనిపిస్తోంది. నవంబర్ చివరి వారంలో విడుదలైన ‘ఆంధ్రా కింగ్ తాలుకా’ మూవీకి పాజిటివ్ టాక్ వచ్చినప్పటికీ కలక్షన్స్ ఊహించిన స్థాయిలో లేకపోవడంతో ప్రేక్షకులు ఎలాంటి సినిమాలను చూస్తారు అన్న కన్ఫ్యూజన్ ఇండస్ట్రీ వర్గాలలో మరింత పెరిగిపోయింది.
పవన్ కళ్యాణ్ ‘ఓజీ’ మూవీ తరువాత టాప్ హీరోల సినిమాలు ఏమీ విడుదల కాలేదు. దీనికితోడు ‘అఖండ 2’ ట్రైలర్ పై ఊహించిన స్థాయిలో స్పందన రాలేదు అన్నమాటలు కూడ వినిపిస్తున్నాయి. అయితే బాలకృష్ణ బోయపాటిల కాంబినేషన్ మూవీ కావడంతో ఈమూవీ బిజినెస్ భారీ స్థాయిలో జరిగింది అన్నవార్తలు వస్తున్నాయి.
ఈమూవీకి టోటల్ పాజిటివ్ టాక్ రాకుండా డివైడ్ టాక్ వస్తే మాత్రం ఈమూవీ బయ్యర్లకు కష్టాలు తప్పవు అని అంటున్నారు. ప్రస్తుతతరం యూత్ లో బాలకృష్ణ పట్ల చెప్పుకోతగ్గ స్థాయిలో మ్యానియా లేడు. దీనితో ఈమూవీకి హిట్ టాక్ వస్తే అందరూ ధియేటర్ల బాట పడతారు కానీ లేకుంటే ఈమూవీ కలక్షన్స్ మొదటి మూడురోజులకు పరిమితం అయ్యే ఆస్కారం ఉందని అని కొందరి అభిప్రాయం.
హిందు మత ధర్మ రక్షకుడుగా బాలకృష్ణ ‘అఖండ 2’ లో ప్రేక్షకులకు పూనకాలు తెప్పించే విధంగా నటించగలిగితే ఈమూవీ సక్సస్ చాల సులువుగా మారిపోతుంది. ఈమూవీలో హీరోయిన్ గా నటించిన సంయుక్తా మీనన్ పై యూత్ లో పెద్దగా క్రేజ్ లేదు. అదేవిధంగా ఈమూవీలో మెయిన్ విలన్ గా నటిస్తున్న ఇప్పటివరకు విలన్ గా నటించి మెప్పించిన సినిమాలు పెద్దగా లేవు. దీనితో ఈసినిమా భారం అంతా బాలకృష్ణ పైనే ఉంటుంది. అయితే ఈసినిమా కంటెంట్ మీద నమ్మకంతో ముందు రోజే ప్రీమియర్లు వేస్తున్నారు. ఏపీ తెలంగాణ వ్యాప్తంగా ఇవి ఉంటాయని నిర్మాత క్లారిటీ ఇచ్చారు. ఈమూవీ పై అర్ధరాత్రి వచ్చే టాక్ కోసంనందమూరి అభిమానులు చాల ఆశక్తిగా ఎదురు చూస్తున్నారు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి