ఈ లక్ష్యాన్ని దృష్టిలో పెట్టుకుని హైదరాబాద్లోని ఒక ప్రముఖ స్టూడియోలో భారీ ఎత్తున ప్రత్యేక సెట్ల నిర్మాణం జరుగుతోంది. దాదాపు మూడు వారాల పాటు రాత్రి వేళల్లో కొనసాగనున్న ఈ యాక్షన్ షెడ్యూల్ కోసం టెక్నికల్ టీమ్స్, స్టంట్ కొరియోగ్రాఫర్లు, సేఫ్టీ ఎక్స్పర్ట్స్—అందరినీ పెద్ద ఎత్తున మోహరించారని తెలుస్తోంది. ఇండియన్ యాక్షన్ స్టాండర్డ్స్ను మించి, హాలీవుడ్ లెవెల్లో యాక్షన్ డిజైన్ చేయడానికి ప్రయత్నాలు జరుగుతున్నాయట. బాలీవుడ్ మీడియాలో ఇప్పటికే దీని గురించి వార్తలు వెల్లువెత్తుతున్నాయి.
ఈ సినిమా కోసం ఎన్టీఆర్ చేయబోయే స్టంట్స్ ఆయన కెరీర్లోనే అత్యంత ప్రమాదకరమైనవని, ఇంత రిస్కీ యాక్షన్ తారక్ ఇంతకుముందెప్పుడూ చేయలేదని. తారక్ మాత్రం “తగ్గేదేలే” అన్నట్టుగా బీస్ట్ మోడ్లోకి వెళ్లిపోయారని టాక్.
అయితే, ఈ మొత్తం విషయంలో మరో ఆసక్తికరమైన, అలాగే కాస్త ఆందోళన కలిగించే అంశం కూడా వినిపిస్తోంది. అది ఏంటి అంటే—ఎన్టీఆర్ ఈ సినిమా కోసం చేయబోయే స్టంట్స్ ఎంత ప్రమాదకరమైనవో ఆయన తన కుటుంబ సభ్యులకు కూడా చెప్పలేదట. ఇంట్లో వాళ్లు అనవసరంగా టెన్షన్ పడతారని, షూటింగ్ గురించి ఆందోళన చెందుతారని భావించి, ఈ విషయాన్ని పూర్తిగా దాచిపెట్టారట. తమ బాధలను పెంచకూడదన్న ఆలోచనతోనే ఈ రిస్క్ లెవెల్ను ఇంట్లో చెప్పలేదని ఇండస్ట్రీ వర్గాల్లో గుసగుసలు వినిపిస్తున్నాయి. 'డ్రాగన్' సినిమా ఇండియన్ యాక్షన్ సినిమాలకు కొత్త బెంచ్మార్క్గా నిలిచే అవకాశం ఉందనే బజ్ ఇండస్ట్రీలో గట్టిగా వినిపిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి