సినిమాలో పాకిస్థాన్లోని లయరీ ప్రాంతాన్ని ప్రధానంగా చూపించారు. ఈ నేపథ్యంలో, అక్కడి సోషల్ మీడియా ఇన్ఫ్లుయెన్సర్లు మరియు కొందరు స్థానికులు వింత డిమాండ్లతో ముందుకు వస్తున్నారు: తమ ప్రాంతం బ్యాక్డ్రాప్లో సినిమా తీసి కోట్ల రూపాయలు సంపాదిస్తున్నారు కాబట్టి, ఆ వసూళ్లలో 50 % నుంచి 80 % వరకు తమకు ఇవ్వాలని వారు కోరుతున్నారు. డబ్బు ఇవ్వలేకపోతే, కనీసం తమ ప్రాంతంలో ఒక సూపర్ స్పెషాలిటీ ఆసుపత్రి అయినా నిర్మించాలని డిమాండ్ చేస్తూ చేసిన వీడియోలు ప్రస్తుతం నెట్టింట వైరల్ అవుతున్నాయి.
పాక్లో నిషేధం.. కానీ పైరసీ సునామీ :
భారతీయ స్పై థ్రిల్లర్ కావడం మరియు పాకిస్థాన్ను వ్యతిరేకంగా చూపించారనే కారణంతో అక్కడి ప్రభుత్వం ఈ సినిమాను నిషేధించింది. అయితే: ఈ నిషేధాన్ని లెక్కచేయకుండా పాక్ జనం ఈ సినిమాను పైరసీ వెబ్సైట్ల ద్వారా విపరీతంగా చూస్తున్నారు. ఇప్పటికే అక్కడ 2 మిలియన్లకు పైగా డౌన్లోడ్స్ జరిగినట్లు నివేదికలు చెబుతున్నాయి. సినిమా లోని 'లయరీ' నేపథ్యంలో సాగే యాక్షన్ సీక్వెన్స్లు, పాటలు అక్కడి యువతను విశేషంగా ఆకట్టుకుంటున్నాయి. ఈ సినిమా పాటలకు రీల్స్ చేస్తూ టిక్టాక్, ఇన్స్టాగ్రామ్లో హోరెత్తిస్తున్నారు. ఒకవైపు భారతీయ ఏజెంట్ విజయాన్ని చూపిస్తున్న ఈ సినిమాను పాక్ ప్రభుత్వం వ్యతిరేకిస్తుంటే, మరోవైపు తమ ప్రాంతం ప్రపంచస్థాయిలో పాపులర్ అయినందుకు అక్కడి జనం సంబరపడుతూ కలెక్షన్లలో వాటా అడగడం ఆశ్చర్యకరంగా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి