ఈ గ్లింప్స్లో రష్మిక కనిపించిన తీరు ప్రేక్షకులను ఆశ్చర్యానికి గురిచేస్తోంది. ఒళ్లంతా రక్తపు మచ్చలతో, తెగిపోయిన చేతి బేడీలతో, చేతిలో గన్ పట్టుకుని ఒక గిరిజన యువతిగా ఆమె కనిపించే విధానం తిరుగుబాటు, ప్రతీకారం, పోరాటానికి నిదర్శనంగా నిలుస్తోంది. ఆమె కళ్లలో కనిపించే కోపం, బాధ, ధైర్యం – ఈ మూడూ కలసి పాత్రలోని తీవ్రతను అద్భుతంగా ఆవిష్కరిస్తున్నాయి. ఇప్పటివరకు గ్లామర్ పాత్రలు, లవ్ స్టోరీలు, సాఫ్ట్ క్యారెక్టర్లతో గుర్తింపు తెచ్చుకున్న రష్మిక, ఈ సినిమాలో పూర్తిగా భిన్నమైన, పవర్ఫుల్ యాక్షన్ ఓరియెంటెడ్ పాత్రలో కనిపించడం అభిమానులను మరింత ఉత్సాహపరుస్తోంది.
గ్లింప్స్లో వినిపించే వాయిస్ ఓవర్ పాత్ర గాంభీర్యాన్ని మరింత పెంచుతోంది. కథలోని భావోద్వేగాల్ని, పోరాటాన్ని ప్రేక్షకుల గుండెల్లో నాటేలా ఆ వాయిస్ ఓవర్ సాగుతోంది. అలాగే సంగీత దర్శకుడు జేక్స్ బిజోయ్ అందించిన నేపథ్య సంగీతం యాక్షన్ సీక్వెన్స్లకు ప్రాణం పోసింది. ప్రతి ఫ్రేమ్లో టెన్షన్, ఇంటెన్సిటీ కనిపించేలా బ్యాక్గ్రౌండ్ స్కోర్ సినిమాపై అంచనాలను భారీగా పెంచింది. ఈ గ్లింప్స్ చూస్తుంటే రష్మిక ఈసారి ఒక సరికొత్త యాక్షన్ ప్యాక్డ్ పాత్రతో బాక్సాఫీస్ వద్ద విధ్వంసం సృష్టించబోతున్నట్టు స్పష్టంగా అర్థమవుతోంది.
అన్ ఫార్ములా ఫిల్మ్స్ బ్యానర్పై అత్యంత భారీ బడ్జెట్తో ఈ చిత్రాన్ని నిర్మిస్తున్నారు. కథ, టేకింగ్, ప్రొడక్షన్ వాల్యూస్ విషయంలో ఎక్కడా రాజీ పడకుండా సినిమాను గ్రాండ్గా తెరకెక్కిస్తున్నారని గ్లింప్స్ చూస్తేనే అర్థమవుతోంది. ఈ సినిమాలో నటుడు తారక్ పొన్నప్ప కీలక పాత్రలో కనిపించబోతుండగా, ఆయన పాత్ర కూడా కథలో ముఖ్యమైన మలుపులు తీసుకొస్తుందని సమాచారం. ప్రస్తుతం శరవేగంగా షూటింగ్ జరుపుకుంటున్న ఈ సినిమాను పాన్ ఇండియా స్థాయిలో పలు భాషల్లో విడుదల చేయడానికి మేకర్స్ సన్నాహాలు చేస్తున్నారు.ఇదిలా ఉండగా, ఈ సినిమా విషయంలో మరో ఆసక్తికర విషయం సోషల్ మీడియాలో చర్చనీయాంశంగా మారింది. అసలు ఈ కథను ముందుగా స్టార్ హీరోయిన్ అనుష్క శెట్టితో చేయాలని మేకర్స్ అనుకున్నారట. కథ వినిన తర్వాత అనుష్క కొంతకాలం సినిమాలకు బ్రేక్ ఇవ్వాలనే ఆలోచనలో ఉన్నానని, తరువాత ట్రై చేద్దామని చెప్పిందట. అయితే అంతకాలం వేచి చూడలేని మూవీ మేకర్స్, ఈ ప్రాజెక్ట్ను రష్మిక మందన్నాతో కమిట్ అయ్యారని టాక్ వినిపిస్తోంది.
ఈ విషయం బయటకు రావడంతో సోషల్ మీడియాలో అనుష్కపై రకరకాల కామెంట్లు మొదలయ్యాయి. కొందరు “ఇంత మంచి ప్రాజెక్ట్ని వదిలేసుకుని అనుష్క తప్పు చేసిందని” అంటుండగా, మరికొందరు మరింత దారుణంగా ట్రోలింగ్ చేస్తున్నారు. అయితే ఇది పూర్తిగా వ్యక్తిగత నిర్ణయమనే విషయాన్ని కూడా గుర్తుంచుకోవాలని సినీ విశ్లేషకులు చెబుతున్నారు. ప్రతి నటికి తన కెరీర్, తన పరిస్థితులు, తన ప్రాధాన్యతలు ఉంటాయి. అయినప్పటికీ, ‘మైసా’ లాంటి పవర్ఫుల్ కథలో రష్మిక ఎంపిక కావడం మాత్రం ఆమె కెరీర్లో కీలక మైలురాయిగా మారే అవకాశాలు స్పష్టంగా కనిపిస్తున్నాయి.మొత్తానికి, ‘మైసా’ గ్లింప్స్తోనే భారీ హైప్ను క్రియేట్ చేయడంలో మేకర్స్ పూర్తిగా సక్సెస్ అయ్యారు. రష్మిక మందన్నా ఈ సినిమాతో తనలోని మరో కొత్త కోణాన్ని ప్రేక్షకులకు చూపించబోతుండటం ఖాయం. సినిమా పూర్తిగా విడుదలైన తర్వాత ఈ పాత్ర ఆమె కెరీర్ను ఏ స్థాయికి తీసుకెళ్తుందో చూడాలని సినీ అభిమానులు ఆసక్తిగా ఎదురుచూస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి