అయితే, ఈ సినిమా సెన్సార్ ప్రక్రియలో అనూహ్యమైన పరిణామాలు చోటుచేసుకున్నాయి. కథలో వాస్తవికతను మరింత బలంగా చూపించేందుకు ఉపయోగించిన కొన్ని పదాలు, డైలాగులు, అలాగే కులపరమైన ప్రస్తావనలపై సెన్సార్ బోర్డు అభ్యంతరం వ్యక్తం చేసింది. ఫలితంగా చిత్రానికి ఏకంగా 16 సెన్సార్ కట్స్ విధించబడటం ప్రస్తుతం హాట్ టాపిక్గా మారింది. సెన్సార్ బోర్డు సూచనల మేరకు సినిమాలోని కొన్ని బూతు పదాలు, కులానికి సంబంధించిన డైలాగులను పూర్తిగా మ్యూట్ చేశారు. అంతేకాకుండా, ఇంగ్లీష్ సబ్టైటిల్స్లో కూడా తగిన మార్పులు చేసి, అభ్యంతరకరంగా భావించిన పదాలను తొలగించిన తర్వాతే చిత్రానికి క్లియరెన్స్ లభించింది. ఈ కట్స్ సినిమాపై ఆసక్తిని మరింత పెంచాయని చెప్పాలి.
లౌక్య ఎంటర్టైన్మెంట్స్ బ్యానర్పై రవీంద్ర బెనర్జీ ముప్పనేని నిర్మించిన ఈ చిత్రం మొత్తం 2 గంటల 16 నిమిషాల నిడివితో ప్రేక్షకుల ముందుకు రానుంది. సినిమాకు మార్క్ కె రాబిన్ అందించిన సంగీతం ఇప్పటికే మంచి స్పందన తెచ్చుకుంటోంది. నేపథ్య సంగీతం కథకు మరింత బలం చేకూరుస్తుందని చిత్ర యూనిట్ ఆశాభావం వ్యక్తం చేస్తోంది. మొత్తానికి, వాస్తవ సంఘటనలకు దగ్గరగా, సామాజిక సమస్యలను ప్రశ్నించే ధైర్యమైన కంటెంట్తో తెరకెక్కిన ‘దండోరా’ ప్రేక్షకులను ఎంతవరకు ఆకట్టుకుంటుందో, థియేటర్లలో ఎలాంటి స్పందన వస్తుందో తెలియాలంటే సినిమా విడుదలయ్యే వరకు వేచి చూడాల్సిందే. సెన్సార్ కట్స్తో అయినా కథలోని తీవ్రత ఎంతమేరకు ప్రేక్షకులకు చేరుతుందన్నది ఇప్పుడు అందరిలోనూ ఆసక్తిగా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి