ప్రేక్షకుల నుండి వస్తున్న విపరీతమైన స్పందనను చూసి, అక్కడి డిస్ట్రిబ్యూటర్లు మరిన్ని స్క్రీన్లను పెంచుతున్నారు. పెద్ద తెరపై సినిమాను చూసేందుకు వీలుగా ఇవాళ్టి నుండి XD ఫార్మాట్ షోలను కూడా యాడ్ చేస్తున్నారు. జనవరి 11న నిర్వహించే ప్రీమియర్ షోలకే ఈ స్థాయిలో వసూళ్లు రావడం ట్రేడ్ వర్గాలను సైతం ఆశ్చర్యానికి గురి చేస్తోంది. సక్సెస్ ఫుల్ డైరెక్టర్ అనిల్ రావిపూడి దర్శకత్వంలో తెరకెక్కుతున్న ఈ సినిమా చిరంజీవి గారి వింటేజ్ టైమింగ్ను గుర్తుకు తెచ్చేలా రూపొందింది.
ఒక రిటైర్డ్ ఏజెంట్ తన కుటుంబం కోసం తిరిగి యాక్షన్లోకి దిగడం అనే అంశానికి వినోదాన్ని జోడించి ఈ కథను తీర్చిదిద్దారు. చిరంజీవి సరసన నయనతార నటిస్తుండగా, విక్టరీ వెంకటేష్ ఒక పవర్ ఫుల్ మరియు వినోదాత్మకమైన అతిథి పాత్రలో కనిపించబోతున్నారు. ఈ సినిమా సెన్సార్ కార్యక్రమాలను పూర్తి చేసుకుని U/A సర్టిఫికెట్ పొందింది. సినిమా నిడివిని 2 గంటల 42 నిమిషాలుగా ఖరారు చేశారు.
భీమ్స్ సిసిరోలియో అందించిన ‘మీసాల పిల్ల’, ‘శశిరేఖ’ మరియు చిరు-వెంకీల ‘మెగా విక్టరీ’ సాంగ్స్ ఇప్పటికే వైరల్ అయ్యాయి. షైన్ స్క్రీన్స్ మరియు గోల్డ్ బాక్స్ ఎంటర్టైన్మెంట్స్ బ్యానర్లపై సాహు గారపాటి, సుస్మిత కొణిదెల ఎక్కడా రాజీ పడకుండా ఈ చిత్రాన్ని నిర్మించారు. మెగాస్టార్ను మునుపెన్నడూ చూడని రీతిలో, వింటేజ్ గ్రేస్తో చూపించబోతున్నామని నిర్మాతలు ధీమా వ్యక్తం చేస్తున్నారు. సంక్రాంతి పండుగ వాతావరణానికి పక్కాగా సరిపోయే ఈ చిత్రం అమెరికాలో 1 మిలియన్ డాలర్ల ప్రీమియర్ వసూళ్లను సాధించే దిశగా దూసుకుపోతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి