క‌డ‌ప జిల్లా బ‌ద్వేల్ ఉప ఎన్నిక పోలింగ్ ప్రక్రియ ప్రశాంత వాతావరణంలో ప్రారంభం అయ్యింది. మొత్తం 281 పోలింగ్ కేంద్రాలతో పాటు, 1124 మంది పోలింగ్ సిబ్బంది విధుల్లో పాల్గొన్నారు. 760 మంది కేంద్ర బలగాలను కూడా బందోబస్తులో ఉన్నాయి. మొత్తం 2 లక్షల 15 వేల 252 మంది ఓటర్లు తమ ఓటు హక్కు వినియోగించుకోబోతున్నారు. ఉదయం 7 గంటల నుంచి సాయంత్రం 7 గంటల వరకూ జ‌ర‌గ‌నున్న ఈ ఎన్నిక‌ల ప్ర‌క్రియ‌లో చివరి గంట కోవిడ్ షేషంట్లకు అనుమతి ఇచ్చారు. వీరు కూడా వ‌చ్చి.. త‌మ ఓటు హ‌క్కు వినియోగించుకోవ‌చ్చ‌ని.. అధికారులు స్ప‌ష్టం చేశారు.

నియోజకవర్గంలో మొత్తం 7 మండలాలు ఉండ‌గా..  281 పోలింగ్ కేంద్రాలు, 221 సమస్యాత్మక పోలింగ్ కేంద్రాలు ఉన్న‌ట్టు గుర్తించారు. ఇక‌, ఎన్నిక‌ల ప్ర‌క్రియ‌ను గ‌మ‌నిస్తే.. ఎన్నికల బరిలో మొత్తం 15 మంది అభ్యర్తులు ఉన్నారు.  బీజేపీ ఈ ఉప పోరును ప్ర‌తిష్టాత్మ‌కంగా తీసుకుంది. ప్ర‌ధానంగా టీడీపీ ఇక్క‌డ పోటీ లో లేక పోవ‌డంతో పాటు.. త‌మ మిత్ర‌ప‌క్షం జ‌న‌సేన కూడా పోలింగ్‌కు దూరంగా ఉంది. ఈ నేప‌థ్యంలో బీజేపీ ఇక్క‌డ ఉప పోరును ప్ర‌తిష్టాత్మ‌కంగా తీసుకుంది. ప్ర‌చారం స‌హా.. ఎన్నిక‌ల వ్యూహం వ‌ర‌కు ప‌క్కా ప్లాన్ వేసుకుంది.

అయితే.. ఇక్క‌డ పోలింగ్ శాతం పెరిగితే.. ఏంటి? త‌గ్గితే ఏంటి? అనే చ‌ర్చ జరుగుతోంది. ఉద‌యం మంద కొడిగా ప్రారంభ‌మైన‌.. పోలింగ్ త‌ర్వాత పుంజుకుంది. ఉదయం 11.00 గంటల వరకు 20.89 శాతం  పోలింగ్ న‌మోదైంది. దీంతో అంచ‌నాలు మార‌తాయ‌ని.. ఇక్క‌డ అధికార పార్టీకి ఇబ్బందులు త‌ప్ప‌వ‌ని అనుకు న్నారు. కానీ, మధ్యాహ్నం 1.00గంట స‌మయానికి పోలింగ్ శాతం... 35.47కు చేరింది. దీంతో సాయంత్రం నాటికి బ‌ద్వేల్ ఉప పోరు పోలింగ్ 75 శాతం వ‌ర‌కు పెరిగే అవ‌కాశం ఉంద‌ని అంచ‌నా వేసుకుంటున్నారు. ఎందుకంటే.. రెండు గంట‌ల పాటు పోలింగ్ స‌మ‌యం పెంచ‌డం.. వంటి కార‌ణాల‌తో పోలింగ్ శాతం పెరిగే అవ‌కాశం క‌నిపిస్తోంది.

మ‌రి ఇదే జ‌రిగితే.. ఎవ‌రికి లాభం.. అంటే.. సాధార‌ణంగా.. ఓట్లు ఎప్పుడు పెరిగినా.. అది అధికార ప‌క్షానికి మైన‌స్ అనే మాట వినిపిస్తూ.. ఉంటుంది. కానీ.. ఏపీలో ప‌రిస్థితిలు, అంచ‌నాలు కూడా మారిపోయాయి. ఓటింగ్ పెరుగుతుంటే.. అది అధికార పార్టీకి.. మేలు చేస్తున్న సంద‌ర్భాలు క‌నిపిస్తున్నాయి. పైగా.. ఇప్పుడు బ‌ద్వేల్‌లో ప్ర‌ధాన పార్టీలు పోటీకి దూరంగా ఉన్న నేప‌థ్యంలో ఖ‌చ్చితంగా ఇక్క‌డ వైసీపీకి ల‌క్ష మెజారిటీ ద‌క్కుతుంద‌నే అంచ‌నాలు క‌నిపిస్తున్నాయ‌ని.. వైసీపీ నాయ‌కులు భ‌రోసా వ్య‌క్తం చేస్తున్నారు. మ‌రి ఏం జ‌రుగుతుందో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

BADVEL ELECTIONS

VUYYURU SUBHASH

30/10/2021 04:46 PM