സംസ്ഥാന സമിതിയിൽ നിന്ന് ഒഴിവാക്കണമെന്ന് ജി സുധാകരൻ; പിന്നിൽ സ്വന്തം തട്ടകത്തിലെ വിമർശനങ്ങളോ? സംസ്ഥാന സമിതിയിൽ തുടരാൻ ആഗ്രഹം ഇല്ലെന്നു വ്യക്തമാക്കി പാർട്ടി സെക്രട്ടറിക്കും മുഖ്യമന്ത്രിക്കുമാണ് ജി സുധാകരൻ കത്ത് നൽകിയത്. സംസ്ഥാന സമിതിയിൽ 75വയസെന്ന പ്രായ പരിധി കർശനമാക്കുമെന്ന തീരുമാനം ഉണ്ടായിരുന്നു. 75 വയസ്സുള്ള ജി സുധാകരന് ഇളവു ലഭിക്കും എന്ന അഭ്യൂഹങ്ങൾക്കിടെയാണ് തുടരാൻ താൽപര്യമില്ലെന്ന് വ്യക്തമാക്കിയുള്ള കത്ത് ജി സുധാകരൻ പാർട്ടി സെക്രട്ടറിക്കും മുഖ്യമന്ത്രിക്കും നൽകിയത്. സിപിഎം സംസ്ഥാന സമ്മേളനം ആരംഭിച്ചിരിക്കെ സംസ്ഥാന സമിതിയിൽ നിന്ന് ഒഴിവാക്കണമെന്നാവശ്യപ്പെട്ട് ജി സുധാകരൻ പാർട്ടിക്ക് കത്ത് നൽകിയെന്ന റിപ്പോർട്ട് പുറത്ത് വരുന്നു.
ആലപ്പുഴ ജില്ലാ സമ്മേളനത്തിൽ ജി സുധാകരന് എതിരെ രൂക്ഷ വിമർശനങ്ങൾ ഉയർന്നിരുന്നു. ചാരുംമൂട് ഏരിയ കമ്മിറ്റിയിലെ പ്രതിനിധികൾ പടനിലം സ്കൂളുമായി ബന്ധപ്പെട്ട കോഴ വിഷയത്തിൽ ആരോപണവിധേയനായ കെ.രാഘവനെ ജി.സുധാകരൻ പിന്തുണച്ചുവെന്ന ആരോരപണം ഉയർന്നികുന്നു. സുധാകരൻ്റെ സ്വന്തം തട്ടകമായ അമ്പലപ്പുഴയിൽ നിന്ന് തന്നെ വിമർശനം ഉയർന്നു. നിയമസഭാ തെരഞ്ഞെടുപ്പിൽ എച്ച്.സലാമിനെ തോൽപ്പിക്കാൻ നോക്കി എന്നും അധികാര മോഹിയാണ് ജി സുധാകരൻ എന്നുമായിരുന്നു വിമർശനം. ജി സുധാകരനെ സംസ്ഥാന സമിതിയിൽ നിന്ന് ഒഴിവാക്കാൻ ആകില്ല എന്ന നിലപാടിൽ ആണ് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ.
ജി സുധാകരന് എതിരെയുള്ള വിമർശനങ്ങൾക്കെതിരെ മുഖ്യമന്ത്രി പിണറായി വിജയൻ തന്നെ സംസാരിക്കുകയും ചെയ്തിരുന്നു. സ്വന്തം തട്ടകത്തിൽ നിന്ന് തന്നെ ആക്ഷേപങ്ങൾ ഉയർന്ന സാഹചര്യത്തിലാണ് സംസ്ഥാന സമിതിയിൽ തുടരാൻ താൽപ്പര്യനമില്ലെന്ന് കാണിച്ച് പാർട്ടി സെക്രട്ടറിക്കും മുഖ്യമന്ത്രിക്കും ജി സുധാകരൻ കത്ത് നൽകിയതെന്നാണ് സൂചനകൾ. കേന്ദ്ര കമ്മിറ്റി തീരുമാനം അനുസരിച്ചാണ് സംസ്ഥാന കമ്മറ്റിയിലെ അംഗങ്ങൾക്ക് പ്രായപരിധി നിശ്ചയിച്ച് നടപ്പാക്കാൻ തീരുമാനിച്ചത്. മുഖ്യമന്ത്രിക്ക് കിട്ടുന്ന ഇളവ് എം എൽ എയായ എംഎം മണിക്കും കിട്ടുമോ എന്നത് കണ്ടറിയാം.
അതേസമയം 75 വയസ് കഴിഞ്ഞവരെ ഒഴിവാക്കുമ്പോൾ പുതിയ ഉത്തരവാദിത്തം നൽകുമെന്നും പാർട്ടി സുരക്ഷിതത്വം നൽകുമെന്നും കോടിയേരി ബാലക‍ഷ്ണൻ വ്യക്തമാക്കിയിരുന്നു. അതേസമയം പ്രായപരിധി നിശ്ചയിച്ചത് കാരണം ആരൊക്കെ സംസ്ഥാന സമിതിയിൽ നിന്ന് പുറത്ത് പോകുമെന്ന് ഉറ്റു നോക്കുകയാണ് രാഷ്ട്രീയ കേരളം. സംസ്ഥാന സമിതിയിൽ 75വയസെന്ന പ്രായ പരിധി കർശനമാക്കുമെന്ന തീരുമാനം ഉണ്ടായിരുന്നു. 75 വയസ്സുള്ള ജി സുധാകരന് ഇളവു ലഭിക്കും എന്ന അഭ്യൂഹങ്ങൾക്കിടെയാണ് തുടരാൻ താൽപര്യമില്ലെന്ന് വ്യക്തമാക്കിയുള്ള കത്ത് ജി സുധാകരൻ പാർട്ടി സെക്രട്ടറിക്കും മുഖ്യമന്ത്രിക്കും നൽകിയത്.
Find out more:
click and follow Indiaherald WhatsApp channel