అమరావతి పునరుద్ధరణే ప్రధాన డ్రైవర్!:
రియల్ ఎస్టేట్ వృద్ధికి ప్రధాన కారణాల్లో అమరావతి పునరుద్ధరణ ఒకటి. దీనికి తోడుగా మెరుగైన ఇన్‌ఫ్రాస్ట్రక్చర్ అభివృద్ధి మరియు కొత్త రియల్ ఎస్టేట్ పాలసీలు ఈ రంగానికి అదనపు బూస్ట్‌ను ఇస్తున్నాయి. ఏప్రిల్ నుంచి జూన్ మధ్య కాలంలో కేవలం రిజిస్ట్రేషన్ల ద్వారా ప్రభుత్వానికి దాదాపు ₹3,000 కోట్ల ఆదాయం వచ్చింది. ఇది అంతకుముందు సంవత్సరంతో పోలిస్తే 46% పెరుగుదల కావడం గమనార్హం. ఈ వృద్ధిలో గుంటూరు, కృష్ణా మరియు పల్నాడు జిల్లాలు అగ్రస్థానంలో ఉన్నాయి. అమరావతికి అతి సమీపంలో ఉన్న ఈ ప్రాంతాలు, రాజధాని పునరుద్ధరణ ప్రకటనతో ఒక్కసారిగా పెట్టుబడులను ఆకర్షించాయి. ఫిబ్రవరి 2025లో కేవలం ఒక వారంలోనే 68,000 ప్రాపర్టీ రిజిస్ట్రేషన్లు జరగడం ఈ జోరుకు అద్దం పడుతోంది.
అమరావతి, విశాఖపట్నం: హై ROI హబ్‌లు! :
అమరావతి ప్రాంతంలో గతంలో నిలిచిపోయిన ప్రాపర్టీ ట్రాన్సాక్షన్లు తిరిగి ప్రారంభమయ్యాయి, భూముల ధరలు స్థిరపడ్డాయి. 2025 ద్వితీయార్థంలో డెవలప్‌మెంట్ యాక్టివిటీ మరింత పెరిగే అవకాశం ఉండడంతో, ధరలు మరింతగా పెరగవచ్చని అంచనా. ఇప్పటికే అమరావతి చుట్టుపక్కల ప్రాంతాల్లో 15-25 శాతం మేర ధరలు పెరిగాయి. ప్రభుత్వం బిల్డింగ్ మరియు లేఅవుట్ అప్రూవల్ రెగ్యులేషన్లను సరళీకరించడం డెవలపర్‌లకు పెద్ద ఊరట. అమరావతిలో ఇన్నర్ మరియు ఔటర్ రింగ్ రోడ్ల నిర్మాణం, BITS పిలానీ AI క్యాంపస్ వంటి మెగా ప్రాజెక్టులు భవిష్యత్ వృద్ధికి బలమైన పునాది వేస్తున్నాయి. మరోవైపు, విశాఖపట్నం కూడా ఐటీ పెట్టుబడులను భారీగా ఆకర్షిస్తూ రియల్ ఎస్టేట్ రంగంలో గేమ్ ఛేంజర్గా మారింది.
ముఖ్యంగా NRIలు విశాఖపట్నం మరియు అమరావతిలో పెట్టుబడులు పెట్టడానికి అత్యధిక ఆసక్తి చూపుతున్నారు. రాష్ట్ర ఆర్థిక వ్యవస్థ కూడా 10.50% వృద్ధిని నమోదు చేయడం రియల్ ఎస్టేట్ రంగానికి సానుకూల సంకేతం. ప్రస్తుత బలమైన రికవరీ ట్రెండ్ మరియు సెప్టెంబర్ వరకు నమోదైన 35% వృద్ధి చూస్తుంటే, ఆంధ్రప్రదేశ్ రియల్ ఎస్టేట్ సెక్టార్ రాబోయే సంవత్సరాల్లో పెట్టుబడిదారులకు హై రిటర్న్ ఆన్ ఇన్వెస్ట్‌మెంట్ (ROI) అందించే అవకాశం ఉందని మార్కెట్ నిపుణులు ఘంటాపథంగా చెబుతున్నారు. ఈ జోరు మరికొంతకాలం కొనసాగడం ఖాయంగా కనిపిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి