జీవనం కోసం కొన్నేళ్లపాటు గొర్రెల కాపరిగా కూడా పనిచేశారు అందెశ్రీ. ఇక అక్కడ నుంచి ఆయన కవిత్వాన్ని ప్రారంభించి ఎలాంటి చదువులు చదవకపోయినా కాకతీయ విశ్వవిద్యాలయం నుంచి ఏకంగా గౌరవ డాక్టరేట్ ను పొందారు. అందెశ్రీ తన స్వీయ కృషి పట్టుదలతోనే తెలుగు సాహిత్యం పైన మంచి పట్టు సాధించారు.అందెశ్రీకి మొట్టమొదటిసారిగా గుర్తింపు తెచ్చినటువంటి పాట (మాయమైపోతున్నాడమ్మా.. మనిషన్నవాడు) ఆయన మొదటిసారి స్టేజి మీద కూడా పాడింది ఈ పాటేనట.
అందెశ్రీ తన కవిత్వాన్ని పాటలను ఆలపించేటప్పుడు ప్రత్యేకించి మరి ఒక మేనరిజాన్ని ప్రదర్శించేవారు. తెలంగాణ ప్రత్యేక రాష్ట్ర ఉద్యమానికి ఈయన రాసిన పాట జయ జయహే తెలంగాణ అనే గేయం తెలంగాణ ఉద్యమానికి ఊపిరి పోసింది. ఈ పాటని తెలంగాణ రాష్ట్ర అధికారిక గీతంగా కూడా ఎంపిక చేయడం జరిగింది. 2006లో విడుదలైన గంగ సినిమాలోని పాటకు ఉత్తమ గీత రచయితగా కూడా నంది అవార్డుని అందుకున్నారు. అందెశ్రీ రాసేటువంటి పాటలు ఎంతో లోతైన భావాలు కలిగించేవి. ఎన్నో చిత్రాలలో పాటలు పాడిన అందెశ్రీ జీవితంలో ఎన్నో కష్టాలను దాటుకున్నారు. ఈయనకు తెలంగాణ ప్రభుత్వం ఏర్పడిన తర్వాత ఆయన సేవలకు గాని ఏకంగా కోటి రూపాయలు నగదును అందించారు. అందెశ్రీకి ముగ్గురు కుమార్తెలు,కుమారుడు ఉన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి