ఈ విజయంతో కోనేరు హంపి భారత చెస్ చరిత్రలో ఒక మైలురాయిగా నిలిచారు. ఆమె ప్రతిష్టాత్మకమైన ఈ టోర్నమెంట్‌లో అద్భుతంగా ఆడుతూ సెమీఫైనల్స్‌కు చేరుకోవడంతో దేశవ్యాప్తంగా ఆమెపై ప్రశంసలు కురిశాయి. తెలంగాణ ముఖ్యమంత్రి రేవంత్ రెడ్డి, ఆంధ్రప్రదేశ్ ముఖ్యమంత్రి చంద్రబాబు నాయుడుతో పాటు అనేక ప్రముఖులు ఆమెకు శుభాకాంక్షలు తెలియజేశారు. రేవంత్ రెడ్డి ట్వీట్ , “వరల్డ్ కప్ సెమీఫైనల్‌కు చేరిన తొలి భారతీయ మహిళగా కోనేరు హంపి చరిత్ర సృష్టించారు. ఇది తెలుగు ప్రజలందరికీ గర్వకారణం." చంద్రబాబు నాయుడు కూడా ఆమెను ప్రశంసిస్తూ, “మన తెలుగు కుమార్తె ప్రపంచ వేదిక పై కాంతులు విరజిమ్ముతోంది . నీ ఘనత దేశవ్యాప్తంగా మమ్మల్ని గర్వించేలా చేస్తోంది" అని తెలిపారు.
కోనేరు హంపి 1987లో ఆంధ్రప్రదేశ్‌లోని గుడివాడ లో జన్మించారు . తన తండ్రి కోనేరు అశోక్ ద్వారా ఐదు సంవత్సరాల వయసు లోనే చెస్ ఆటను నేర్చుకున్న ఆమె 2002లో గ్రాండ్ మాస్టర్ టైటిల్ సాధించారు. 2019 మరియు 2024లో మహిళల ప్రపంచ రాపిడ్ చెస్ ఛాంపియన్ గా నిలిచి ఎన్నో అంతర్జాతీయ టైటిళ్లను గెలుచుకున్నారు. ఈ విజయం ప్రపంచవ్యాప్తంగా భారత మహిళా చెస్ కు గొప్ప గుర్తింపును తీసుకొచ్చింది. ఈ రోజు, సెమీఫైనల్స్‌లో హంపి విజయంపై దేశమంతా ఆసక్తిగా ఎదురుచూస్తోంది, మరియు ఆమె విజయం భారత చెస్‌ను మరింత ఎదుగుదలకు దారితీస్తుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి