మహిళల క్రికెట్‌లో అత్యంత ప్రతిష్టాత్మకమైన ప్ర‌పంచ‌క‌ప్ కోసం ఈ రోజు మ‌ధ్యాహ్నం భార‌త జ‌ట్టు ద‌క్షిణాఫ్రికాతో త‌ల‌ప‌డుతోంది. గ‌తంలో రెండుసార్లు ఫైన‌ల్‌కు వెళ్లిన ఇండియా జ‌ట్టు ఆఖ‌రు మెట్టుపై బోల్తా ప‌డింది. ఈ సారి మ‌న స్వ‌దేశంలో జ‌రుగుతున్న పోరులో ఏకంగా ఆస్ట్రేలియా లాంటి బ‌ల‌మైన జ‌ట్టును ఓడించి ఫైన‌ల్‌కు వెల్ల‌డం అంటే నిజంగానే క‌ప్ కొట్టిన‌ట్టుగానే ప్ర‌తి ఒక్క భార‌తీయుడు మాత్ర‌మే కాదు ప్ర‌పంచ వ్యాప్తంగా ఉన్న క్రికెట్ అభిమానులు అంద‌రూ భావిస్తున్నారు. అసలు ఈ మ్యాచ్ జ‌రుగుతున్న న‌వీ ముంబైలోని డీవై పాటిల్ స్టేడియం పిచ్ ఎలా ఉండ‌బోతోంది ?  మ్యాచ్ ఎలా ఉండ‌బోతోందో ?  ఇండియా హెరాల్డ్ ప్రివ్యూలో చూద్దాం.


* ప్రారంభంలో డీవై పాటిల్ పిచ్ బ్యాటింగ్‌కు అనుకూలంగా ఉంటుంది. అయితే మ్యాచ్ జ‌రుగుతున్న కొద్ది స్పిన్నర్లకు తోడ్పాటునిస్తుంది.
* బౌండరీలు: స్ట్రెయిట్ బౌండరీలు చిన్నవిగా ఉండటం వల్ల బ్యాటర్లు సిక్సర్లను లక్ష్యంగా చేసుకుంటారు.
* వాతావరణం: రాత్రిపూట మంచు ప్రభావం ఎక్కువుగా ఉంటుంది. టాస్ గెలిచిన జ‌ట్టు చేజింగ్‌కు మొగ్గు చూపే అవకాశం ఉంది.


* ఇండియా బ‌ల‌మైన స్పిన్ :
భారత జట్టు టోర్నమెంట్‌లో సరైన సమయంలో ట్రాక్ లోకి వ‌చ్చింది. వ‌రుస‌గా మూడు మ్యాచ్‌లు ఓడిపోయినా.. అనూహ్యంగా పుంజుకుని న్యూజిలాండ్ తో పాటు ఆస్ట్రేలియాతో సెమీస్‌లో గెలిచి ఫైన‌ల్‌కు వ‌చ్చింది. ప్ర‌పంచ స్థాయి స్పిన్న‌ర్లు ఉండ‌డంకు ఇండియాకు బ‌లం.
* బ్యాటింగ్ వ్యూహం: అనుభవజ్ఞులైన ఓపెనర్లు పవర్‌ప్లేలో స్థిరంగా ఆడి, ఆ తర్వాత మధ్య ఓవర్లలో వేగం పెంచాలి. మిడిల్ ఓవ‌ర్ల‌లో దూకుడుగా ఆడే బ్యాట‌ర్లు ఇండియా జ‌ట్టులో ఉన్నారు.
* బౌలింగ్ వ్యూహం: భారత స్పిన్నర్లు కీలకమైన 11 - 35 ఓవర్లలో పరుగులు కట్టడి చేసి, వికెట్లు తీయడంలో కీలకం. డెత్ ఓవర్లలో (చివరి 10 ఓవర్లలో) యార్కర్లు, స్లో బాల్స్‌తో పరుగులు ఇవ్వకుండా బౌలింగ్ చేయాలి.


* ఫ‌స్ట్ బ్యాటింగ్ వ‌స్తే
టీం ఇండియా ఫ‌స్ట్ బ్యాటింగ్ చేయాల్సి వ‌స్తే 250 - 275 మ‌ధ్య‌లో ప‌రుగులు చేయాలి.
* ద‌క్షిణాఫ్రికా ఫేస్ :
దక్షిణాఫ్రికా జట్టు టోర్నమెంట్‌లో తమ పట్టుదలను ప్రదర్శించింది. వారి బలం కొత్త బంతితో పేస్ బౌలింగ్ మరియు అద్భుతమైన ఫీల్డింగ్.
* బౌలింగ్ వ్యూహం: ద‌క్షిణాఫ్రికా పేసర్లు కొత్త బంతితో పవర్‌ప్లేలో భారత టాప్-ఆర్డర్‌ను త్వరగా పెవిలియన్‌కు పంపే ప్లాన్‌లో ఉంటారు.


* బ్యాటింగ్ వ్యూహం:
ద‌క్షిణాఫ్రికా బ్యాటింగ్ యూనిట్ టార్గెట్‌ను చివరి వరకు తీసుకెళ్లి గెలవడానికి ప్రయత్నిస్తుంది. ఒత్తిడిలో కూడా ధైర్యంగా ఆడగల టాలెంట్ వారికి ఉంది.
* ఫీల్డింగ్ :
ఇండియా క్రికెట‌ర్లు ఫైన‌ల్లో అద్భుతంగా ఫీల్డింగ్ చేయాలి. బౌండరీలను ఆపి డైరెక్ట్ హిట్‌లు చేస్తే 20 - 25 ప‌రుగులు ఆపాలి.
* ఛేజింగ్ :
ఇండియాకు ఛేజింగ్ వ‌స్తే ర‌న్ రేట్ 5 కు పైగా 6 వ‌ర‌కు త‌గ్గ‌కుండా చూసుకుని .. చివ‌ర్లో 10 ఓవ‌ర్లు వేగంగా ఆడాలి.
* ద‌క్షిణాఫ్రికా బౌల‌ర్లు ప‌వ‌ర్ ప్లేలో 2 వికెట్లు తీస్తే.. వారు స్టార్టింగ్‌లో పై చేయి సాధించిన‌ట్లు అవుతుంది. ఒక‌వేళ ఇండియా స్పిన్న‌ర్లు 15 - 30 ఓవ‌ర్ల మ‌ధ్య‌లో ఎక్కువ వికెట్లు తీస్తే మ్యాచ్ మ‌న‌కు ప్ల‌స్ అవుతుంది.


* ఫైనల్‌లో ఎవరు గెలుస్తారనేది టాస్ మరియు పిచ్ పరిస్థితులపై ఎక్కువగా ఆధారపడి ఉంటుంది.
* స్పిన్‌కు అనుకూలిస్తే: భారత్‌కు స్వల్ప ఆధిక్యం ఉంటుంది.
* ఒక వేళ మంచు ప్రభావం ఉంటే... ఛేజింగ్ లో అనుభ‌వంతో పాటు కొత్త బంతితో బౌలింగ్ కారణంగా దక్షిణాఫ్రికాకు ఫ్ల‌స్ అవుతుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

India vs South Africa

RAMAKRISHNA S.S.

02/11/2025 08:47 AM