ఎప్పటికప్పుడు ఎలా తోస్తే అలా వెళ్లిపోతుంటారు. అయితే ఇక్కడ ఈ రెండు విషయాలలో ఏది పూర్తిగా కరెక్ట్ అని కానీ తప్పు అని కానీ చెప్పలేము. ఎందుకంటే జీవితం అనే ప్రయాణంలో ప్రతిదీ ప్రణాళిక ప్రకారం జరగాలంటే ఖచ్చితంగా కుదరని పనే అవుతుంది. అలాగని ఎటువంటి ఆలోచన, లక్ష్యం, ఒక చిన్నపాటి ప్రణాళిక లేకుండా గాలి ఎటు వేస్తే అటు పొదాములే అనుకున్నా పొరపాటే. ప్రతి ఒక్క మనిషికి తను ఎలా బ్రతకాలి, తన జీవితం ఎలా ఉండాలి అన్న ఒక చిన్న ఆలోచన వస్తే తను ఎలాంటి ఉపాధిని ఎంచుకోవాలి అన్న ఆలోచన కూడా వస్తుంది. అందులోనుండే మీ లక్ష్యం ఏమిటన్న నిర్ణయం తీసుకోవాలన్న ఆసక్తి మొదలవుతుంది.
అందరూ తాము ఎంచుకున్న లక్ష్యాన్ని ఒకటి రెండు ప్రయత్నాల్లోనే చేరుకోవడం సాధ్యం కాకపోవచ్చేమో కానీ పట్టుదలతో ప్రయత్నిస్తే విజయం తప్పక వరిస్తుంది. ఒకవేళ పలు మార్లు ప్రయత్నించినా ఫలితం దక్కలేదు అంటే మీ ప్రయత్నంలోని లోపాలను తెలుసుకునేందుకు ప్రయత్నించండి. నెమ్మదిగా వాటిని మార్చుకుంటూ మీ లక్ష్యాన్ని ఛేదించడానికి పూర్తి విశ్వాసంతో ముందుకు సాగండి. అంతే కానీ ఏ లక్ష్యం లేని జీవితాలు ఎందుకు పనికి రావు. అలాంటివాళ్ళు భూమికే భారం.
