అమరావతిలో క్రైస్తవులకు చర్చి నిర్మాణం కోసం స్థలం కేటాయిస్తామని ప్రకటించారు. గుంటూరులో క్రిస్టియన్ భవన్ నిర్మాణాన్ని త్వరగా పూర్తి చేసే బాధ్యత తీసుకుంటామని చెప్పారు. రాష్ట్రంలో 44,812 మంది క్రైస్తవులకు రూ.22 కోట్ల ఆర్థిక సహాయం అందించినట్టు వివరించారు. 8,427 మంది పాస్టర్లకు నెలకు రూ.5 వేలు చొప్పున గౌరవ వేతనం కొనసాగిస్తున్నట్టు చంద్రబాబు తెలిపారు. నవంబర్ వరకు ఉన్న బకాయిలు క్లియర్ చేశామని, ఇప్పుడు డిసెంబర్ 2024 నుంచి నవంబర్ 2025 వరకు రూ.51 కోట్లు డిసెంబర్ 24 సాయంత్రం లోపు అకౌంట్లలో జమ చేస్తామని హామీ ఇచ్చారు.
జెరూసలేం యాత్రకు ఆర్థిక సహాయం కొనసాగిస్తామని, రూ.3 లక్షల లోపు ఆదాయం ఉన్నవారికి రూ.60 వేలు, అంతకంటే ఎక్కువ ఉన్నవారికి రూ.30 వేలు ఇస్తామని ప్రకటించారు. క్రైస్తవ మైనారిటీలకు ఉపాధి పథకాలు పునఃప్రారంభించి సుమారు 2,000 మందికి రూ.20 కోట్లతో అవకాశాలు కల్పిస్తున్నట్టు వెల్లడించారు. మైనారిటీల విద్యాభివృద్ధికి రూ.6 కోట్ల పెండింగ్ బిల్లులు చెల్లించామని చెప్పారు. గత వైఎస్ఆర్సీపీ ప్రభుత్వం కొన్ని పథకాలు ప్రవేశపెట్టినప్పటికీ పెండింగ్లు పేరుకుపోయాయని చంద్రబాబు ఆరోపించారు. ఇప్పుడు కూటమి ప్రభుత్వం అన్నీ క్లియర్ చేసి మరింత మెరుగైన సహాయం అందిస్తోందని చెప్పారు.
మొత్తంగా చంద్రబాబు ప్రకటించిన ఈ భారీ వరాలు వైఎస్ఆర్సీపీ నుంచి క్రైస్తవ మద్దతుదారులను టీడీపీ వైపు మళ్లించే అవకాశం ఉంది. గతంలో వైఎస్ఆర్సీపీకి బలమైన మద్దతు ఇచ్చిన క్రైస్తవ సమాజం ఇప్పుడు కూటమి ప్రభుత్వ చర్యలతో సంతృప్తి వ్యక్తం చేస్తోంది. రాబోయే రోజుల్లో ఈ సహాయాలు రాజకీయంగా టీడీపీకి లాభం చేకూర్చే అవకాశం కల్పిస్తాయి.
9490520108.. వాట్సాప్ నెంబర్కు మీ జిల్లాలో రాజకీయ, సామాజిక సమస్యలు వివరాలు పంపండి..
ఏపీ, తెలంగాణలో వివిధ నియోజకవర్గాల్లో నెలకొన్న ప్రజల సమస్యలు, రాజకీయ పరమైన అంశాలను మా దృష్టికి తీసుకు రావాలనుకుంటున్నారా ? మీ సమస్య లేదా మీరు చెప్పే విషయం ఏదైనా క్లుప్తంగా 9490520108 నెంబరుకు వాట్సాప్ ద్వారా తెలియజేయండి.
నోట్ : వ్యక్తిగత సమస్యలు వద్దు
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి