శరీర భాగాలు ఎందుకు మొద్దుబారిపోతాయి?
మనం తరచుగా చేతులు, భుజాలు, కాళ్ళలో తిమ్మిరి అనుభూతి చెందుతాము. దీనికి ముఖ్యమైన కారణం ఏమిటంటే ఎక్కువసేపు నిలబడడం లేదా కూర్చున్నప్పుడు ఈ అవయవాలు చాలా ఒత్తిడికి గురవుతాయి. ఒకే విధంగా కూర్చోవడం వల్ల శరీరంలోని కండరాలు, రక్తనాళాలు రిలాక్స్ అవుతాయి. అప్పుడు ఆ శరీర భాగం తిమ్మిరి స్థితికి వెళుతుంది. సాధారణంగా శరీరంలో రక్తప్రసరణలో అడ్డంకులు ఏర్పడినప్పుడు శరీర భాగం మొద్దుబారిపోతుంది.
తిమ్మిరి యొక్క లక్షణాలు ఏమిటి
శరీరంలో తిమ్మిరి వచ్చినప్పుడు జలదరింపు, ఒక వింత అనుభూతి వస్తుంది. ఆ అవయవం కూడా పనిచేయడం మానేస్తుంది. దీనివల్ల చాలాసార్లు ఈ అవయవానికి మానసిక సంకేతాలు కూడా అందవు. అటువంటి పరిస్థితిలో ఆ అవయవాన్ని సాధారణ స్థితిలోకి తీసుకురావడానికి ఒక దెబ్బ వేయాలి.
వెల్లుల్లి లేదా పొడి అల్లం
అవయవాలలో తిమ్మిరిగా అనిపిస్తే ఉదయాన్నే ఫ్రెష్ అయిన తర్వాత చిన్న చిన్న అల్లం ముక్కలు లేదా 2 వెల్లుల్లి రెబ్బలను నమిలి తినండి. దీంతో ఈ సమస్య నుంచి బయటపడొచ్చు. నిజానికి వెల్లుల్లి, ఎండు అల్లం తీసుకోవడం వల్ల శరీరంలో రక్త ప్రసరణ బాగా జరుగుతుంది.
రావి ఆకులు
రావి చెట్టు ఆకులలో అనేక రకాల యాంటీఆక్సిడెంట్లు, ఖనిజాలు పుష్కలంగా ఉన్నాయి. మీకు తిమ్మిరి అనిపిస్తే 3-4 తాజా ఆకులను ఆవనూనెలో బాగా ఉడికించి, ఆపై ఈ నూనెతో తిమ్మిరి ఉన్న ప్రాంతంలో మసాజ్ చేయండి. ఇలా చేయడం వల్ల మీరు తిమ్మిరి నుండి ఉపశమనం పొందుతారు.
నెయ్యి
ప్రతిరోజూ పాదాలలో తిమ్మిరి సమస్యతో పోరాడుతుంటే భయపడవద్దు. నెయ్యితో చిటికెలో ఈ సమస్య నుంచి ఉపశమనం పొందవచ్చు. తిమ్మిరి నుండి ఉపశమనం పొందడానికి రాత్రి పడుకునే ముందు నెయ్యి కొద్దిగా గోరువెచ్చగా చేసి అరికాళ్ళకు రాయండి. ఇది మీకు ఉపశమనం కలిగిస్తుంది.
