ఇక ఈ సినిమా తర్వాత నాని మరో రెండు ప్రాజెక్టులను లైన్ లో పెట్టినట్టు టాక్. రీసెంట్ గా కలర్ ఫోటో అంటూ వచ్చి హిట్ అందుకున్న డైరక్టర్ సందీప్ రాజ్ కు నాని ఛాన్స్ ఇస్తున్నట్టు తెలుస్తుంది. చాయ్ బిస్కెట్ వీడియోస్ తో అలరించిన సందీప్ రాజ్ ఇప్పుడు డైర్కటర్ గా తన మొదటి సినిమా సూపర్ హిట్ కొట్టాడు. కలర్ ఫోటో సినిమాలో సుహాస్, చాందిని చౌదరి లీడ్ రోల్ లో నటించారు. సినిమాలో సునీల్ విలన్ గా నటించడం విశేషం.
ఆహాలో రిలీజైన ఈ సినిమాకు ప్రేక్షకుల నుండి మంచి రెస్పాన్స్ వస్తుంది. సింపుల్ కథతో ప్రేక్షకులను మెప్పించిన సందీప్ రాజ్ కు మంచి కథ ఉంటే తీసుకురా అని చెప్పాడట నాని. సో సందీప్ నెక్స్ట్ సినిమా నానితో అని ఫిక్స్ అవ్వొచ్చు. సుహాస్ కూడా హీరోగా తన పర్ఫార్మెన్స్ తో అదరగొట్టాడు. నాని ప్రస్తుతం చేస్తున్న రెండు సినిమాలు పూర్తి చేసుకుని త్వరలోనే సందీప్ రాజ్ తో సినిమా ఎనౌన్స్ చేస్తారని ఫిల్మ్ నగర్ టాక్.