గత ఏడాది డిసెంబర్ లో విడుదలైన పుష్ప సినిమా మేనియా ఇంకా తగ్గలేదు అని చెప్పాలి. చాలామంది ఆ సినిమాలో వచ్చే డైలాగులను మేనరిజమ్స్ ను వాడుతూ సినిమా యొక్క క్రేజ్ను స్థాయిని పెంచుతున్నారు. అల్లు అర్జున్ హీరోగా నటించిన ఈ సినిమా అత్యంత భారీ స్థాయిలో తెరకెక్కించి అదే స్థాయిలో విజయాన్ని అందుకున్నారు. ఒక సామాన్యుడు అసామాన్యుడిగా ఎదిగిన తీరు చూపిస్తూ ఈ సినిమా విజయం తో పాటు భారీ వసూళ్లను కూడా సాధించింది.
తెలుగు రాష్ట్రాలలో మాత్రమే కాకుండా ఓవర్సీస్ లో కూడా ఈ సినిమా రికార్డుల మోత మోగించింది. ఆ విధంగా హిందీలో 100 కోట్లకు మించి వసూలు రాబట్టి అందరిని విస్మయానికి గురి చేసింది. ఈ సినిమా సాధించిన విజయం తో దక్షిణాది సినిమాలకు సరికొత్త ఊపు వచ్చింది అని చెప్పవచ్చు. ఈ సినిమాకు 332 కోట్లకు మించి వసూళ్లు వచ్చాయి అంటే ఏ రేంజ్ లో హిట్ అయ్యిందో అర్థం చేసుకోవచ్చు. ఇప్పుడు మరిన్ని సినిమాలు అలరించడానికి సిద్ధమవుతున్నాయి. ఇకపోతే ఇప్పుడు మొదటి భాగం పూర్తయిన నేపథ్యంలో రెండవ భాగం పైనే అందరి చూపు ఉంది.
ఈ సినిమా త్వరలోనే సెట్స్ పైకి తీసుకు రాబోతుండగా తప్పకుండా మొదటి భాగానికి మించిన రేంజ్ లో ఈ సినిమా ఉండబోతుంది అని అంటున్నారు. తాజాగా ఓ సరికొత్త చర్చ బాలీవుడ్ లో జరుగుతుంది. త్వరలో ఈ సినిమా ప్రేక్షకుల ముందుకు రాబోతున్న నేపథ్యంలో ఆ సినిమా కేజీఎఫ్ రెండవ భాగం క్రియేట్ చేసిన రికార్డులను తిరగరాస్తుందనే అనుమానాలను వ్యక్తపరుస్తున్నారు. ఇలాంటి ప్రచారం లేకుండానే పుష్ప మొదటి భాగం ఈ స్థాయి లో వసూళ్లు రాబట్టింది. ఒకవేళ గట్టిగా ప్రచారం చేస్తే తప్పకుండా కే జి ఎఫ్ సినిమా రికార్డులను అధిగమించడం ఖాయం అంటున్నారు. మరి రెండవ భాగానికి సంబంధించిన సినిమా ప్రమోషన్ విషయంలో ఎలాంటి నిర్ణయం తీసుకుంటుందో చూడాలి.
