ఇక మన రెండు తెలుగు రాష్ట్రాల విషయానికి వస్తే ఇక్కడ కూడా భారీ గా పాజిటివ్ కేసు లు నమోదు అవుతుండడంతో అనేక రంగాలు సైతం సమస్యల్లో పడ్డాయి. మరోవైపు పలు సినిమాల షూటింగ్స్ నిలుపుదల చేయడంతో పాటు సినిమా హాల్స్ సహా జిమ్ లు, పార్క్ లు, స్టేడియం లు వంటివి పూర్తిగా మూతబడ్డాయి. ఇక ఎక్కడికక్కడ పలువురు సినిమా నటులు తమ ఫ్యామిలీ లతో కలిసి ఇంట్లోనే ఉండి సమయాన్ని గడుపుతున్నారు.
అసలు విషయం ఏమిటంటే, ఈ కరోనా మహమ్మారిని మన దేశము నుండి తరిమికొట్టడానికి ప్రతి ఒక్కరు తప్పనిసరిగా మాస్క్ ధరించి, తరచూ చేతులు శుభ్రం చేసుకోవాలని, సామజిక దూరం పాటించడంతో పాటు ముఖ్యంగా వ్యాక్సినేషన్ పై అపోహలు మాని తప్పకుండా అందరూ వ్యాక్సిన్ తీసుకోవాలని కోరుతూ ఆర్ఆర్ఆర్ మూవీ టీమ్ కొద్దిసేపటి క్రితం ఒక వీడియో ని విడుదల చేస్తూ ప్రజలకు విజ్ఞప్తి చేసింది. ఈ వీడియోలో హీరోలు చరణ్, ఎన్టీఆర్, అజయ్ దేవగన్, హీరోయిన్ అలియా భట్, అలానే దర్శకుడు రాజమౌళి కనిపిస్తారు. ప్రస్తుతం ఈ వీడియో పలు మీడియా మాధ్యమాల్లో ఎంతో వైరల్ అవుతోంది.....!!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి