కత్తులు మాత్రమే కాదు కళ్ళు కూడా ప్రాణాలను తీసేయగలవు అని ఒక ఐటమ్ సాంగ్ విడుదల చేసిన తర్వాత థీమ్ మ్యూజిక్ అని ఇంకొక సాంగ్ వీడియో చేశారు. ఈ ప్రమోషనల్ వీడియోస్ అన్నీ కూడా సినిమాపై ఆసక్తిని పెంచాయి. ఈ క్రమంలోనే ‘డి - కంపెనీ’ మొదటి 4 నిమిషాలు అంటూ మరొక వీడియో విడుదల చేశారు. ఈ వీడియోలో హింసే వారి కరెన్సీ వంటి స్టేట్మెంట్ తో మిట్టమధ్యాహ్నం నడిరోడ్డు మీద ఒక వ్యక్తి మరొక వ్యక్తి ని గన్ తో కాల్చే సన్నివేశం భీతి కలిగించేలా ఉంది. అలాగే ఈ వీడియోలో తుపాకీ గుండ్లుతో సృష్టించే మారణహోమం వంటి సన్నివేశాలు కూడా కనిపించాయి.
"ఇప్పుడు ముంబాయి చాలా ప్రశాంతంగా ఉంది. కానీ అప్పుడు 40 సంవత్సరాల క్రితం ‘డి - కంపెనీ’ కంట్రోల్ లో ఉన్నప్పుడు ఇలా ఉండకపోయేది. ‘డి - కంపెనీ’, దావూద్ ఇబ్రహీం ని నేను చాలా స్టడీ చేశాను. నేను క్రిమినల్ ని కాదు కానీ చిన్నప్పటి నుంచీ క్రిమినల్స్ ని స్టడీ చేయడం అంటే నాకు చాలా ఇష్టం. ఈరోజు దావూద్ పేరు ప్రపంచం మొత్తం ఫేమస్ అయ్యింది" అంటూ ఈ వీడియో మధ్య భాగంలో వాయిస్ ఓవర్ ప్రారంభించిన ఆర్జీవి దావూద్ ఇబ్రహీం నేపథ్యం చెబుతూ సినిమాపై అంచనాలను పెంచేశారు. ఇకపోతే ఈ మూవీలో అష్వత్ కాంత్, ఇర్రా మోహన్, నైనా గంగూలి, రుద్రకాంత్ ప్రధాన పాత్రలు పోషించారు. మే 15న స్పార్క్ ఓటీటీలో ‘డి - కంపెనీ’ విడుదల కానుంది.