അൻവറിൻറേത് ഫ്യൂഡൽ മനോഭാവമെന്ന് പികെ ഫിറോസ്! എംഎൽഎ മണ്ഡലത്തിൽ ഇല്ലാത്തതുമായി ബന്ധപ്പെട്ട് ലീഗ് നേതാവ് നടത്തിയ വിമർശനങ്ങൾക്കാണ് അൻവർ മറുപടി നൽകിയിരിക്കുന്നത്. യൂത്ത് ലീഗ് സംസ്ഥാന ജനറൽ സെക്രട്ടറി പികെ ഫിറോസിൻറെ വിമർശനങ്ങൾക്ക് മറുപടിയുമായി നിലമ്പൂർ എംഎൽഎ പിവി അൻവർ.അൻവറിൻറേത് ഫ്യൂഡൽ മനോഭാവമാണെന്നും മറ്റൊരു രാജ്യത്ത് പോയി ജനങ്ങളെ സേവിക്കാൻ അല്ല ജനങ്ങൾ അദ്ദേഹത്തെ തെരഞ്ഞെടുത്തതെന്നുമായിരുന്നു ഫിറോസ് പറഞ്ഞത്. ഇതിനുള്ള മറുപടിയിൽ പികെ ഫിറോസൊക്കെ ചെയ്ത് കാട്ടാവുന്നത് അങ്ങ് കാട്ടിക്കോയെന്നാണ് അൻവർ പറഞ്ഞിരിക്കുന്നത്. നിലമ്പൂർ എംഎൽഎ പിവി അൻവർ നാട്ടിലില്ലെന്ന വാർത്ത പുറത്ത് വന്നതോടെയാണ് വീണ്ടും എംഎൽഎയെച്ചൊല്ലി വിവാദം ആരംഭിക്കുന്നത്.
"എംഎൽഎ ഫോൺ ഓഫ് ചെയ്ത് നിലമ്പൂരിൽ നിന്ന് മുങ്ങി"യെന്ന വാർത്തയ്ക്കെതിരെ രൂക്ഷവിമർശനവുമായി അൻവർ തന്നെ രംഗത്തെത്തുകയായിരുന്നു. കാര്യങ്ങൾ കൃത്യമായി തൻറെ പാർട്ടിയേയും ജനങ്ങളെയും ധരിപ്പിച്ചിട്ടുണ്ടെന്ന് പറഞ്ഞുള്ള വിശദീകരണത്തിൽ വാർത്ത നൽകിയ റിപ്പോർട്ടർക്കെതിരെ എംഎൽഎ നടത്തിയ പരാമർശങ്ങൾ ചർച്ചയായിരുന്നു. ഇതോടെയാണ് വിഷയം കൂടുതൽ ശ്രദ്ധനേടുന്നത്. തനിക്ക് പാർട്ടി മൂന്ന് മാസത്തെ അവധി നൽകിയിട്ടുണ്ടെന്നും പാർട്ടിയുടെ അനുമതിയോടു കൂടിയാണ് വിദേശത്തേയ്ക്ക് വന്നതെന്നുമാണ് പിവി അൻവർ പറഞ്ഞത്. സിയേറ ലിയേണിൽ സ്വർണഖനനത്തിൻറെ തിരക്കിലാണെന്നും അദ്ദേഹം പറഞ്ഞു. ഇന്ന് മീഡിയാ വണ്ണിനോട് പ്രതികരിച്ച പിവി അൻവർ താൻ വിദേശത്താണ് ഉള്ളതെന്ന് തുറന്ന് പറയുകയും ചെയ്തു.
പശ്ചിമാഫ്രിക്കൻ രാജ്യമായ സിയേറ ലിയോണിലാണ് ഉള്ളത്. പിവി അൻവർ എംഎൽഎയുടെ പ്രവർത്തനങ്ങൾ പരിശോധിച്ചാൽ എല്ലാം ദുരൂഹമാണെന്നായിരുന്നു ലീഗ് നേതാവ് പികെ ഫിറോസിൻറെ വിമർശനം. ഒരുപാട് നിഗൂഢതയുള്ള വ്യക്തിയാണ് അദ്ദേഹം. മാത്രമല്ല, അദ്ദേഹത്തിൻറെ പ്രവർത്തനങ്ങളെക്കുറിച്ച് നല്ലതായി ഒന്നും പറയാനില്ല. പരിസ്ഥിതിയെ നശിപ്പിക്കൽ, പണം കബളിപ്പിൽ, കൊലപാതകം തുടങ്ങിയ ആരോപണങ്ങൾ അദ്ദേഹത്തിനെതിരെ ഉയർന്നിട്ടുണ്ടെന്നും ഫിറോസ് പറഞ്ഞതായി റിപ്പോർട്ടുകൾ ചൂണ്ടിക്കാട്ടുന്നു. മറ്റൊരു രാജ്യത്ത് പോയി ജനങ്ങളെ സേവിക്കാൻ അല്ല ജനങ്ങൾ അദ്ദേഹത്തെ തെരഞ്ഞെടുത്തത്.
നിയമസഭയിൽ അദ്ദേഹത്തിൻറെ സാന്നിധ്യമുണ്ടാകണമെന്നും ഫിറോസ് പറഞ്ഞു. നിയമസഭയിൽ സാന്നിധ്യം ഉണ്ടാവുക എന്നത് വളരെ പ്രധാനമാണെന്നും തികഞ്ഞ ഉത്തരവാദിത്തരാഹിത്യമാണ് അൻവറിൻറെ ഭാഗത്ത് നിന്ന് ഉണ്ടാകുന്നതെന്നും യൂത്ത് ലീഗ് നേതാവ് വിമർശിച്ചു. പിവി അൻവറിന് ഒരു ഫ്യൂഡൽ മനോഭാവമാണെന്നും പികെ ഫിറോസ് പറഞ്ഞതായി റിപ്പോർട്ടർ ലൈവ് റിപ്പോർട്ട് ചെയ്യുന്നു. പികെ ഫിറോസിൻറെ വിമർശനങ്ങൾക്ക് ഫേസ്ബുക്ക് പോസ്റ്റിലൂടെയാണ് പിവി അൻവർ മറുപടി നൽകിയത്. "അതേ.. ഡോണാണ്.. പി.കെ.ഫിറോസൊക്കെ ചെയ്ത് കാട്ടാവുന്നത് അങ്ങ് കാട്ടിക്കോ.. എനിക്ക് വീണ്ടും ലീഗാണ്" അൻവർ ഫേസ്ബുക്കിൽ കുറിച്ചു.
Find out more:
click and follow Indiaherald WhatsApp channel