బాలయ్య డైలాగ్ చెప్పాడంటే ఒక్కో డైలాగ్ బాణం లా గుచ్చుకోవాల్సిందే. సమరసింహా రెడ్డి, సీమ సింహం, చెన్నకేశవరెడ్డి, పల్నాటి బ్రహ్మ నాయుడు, లక్ష్మీ నరసింహ, సింహా ఇలా చెప్పుకుంటూ పోతే ఎన్నో చిత్రాలలో తన పవర్ ను చూపించారు నందమూరి బాలకృష్ణ. ఫ్యాక్షన్ డ్రాప్ లో చిత్రాలు తెరకెక్కించాలి అంటే ఇప్పటికి బాలయ్య దర్శకులకు మొదటి ఆప్షన్ గా ఉన్నారు అంటే ఆయన చూపులోని పవర్, డైలాగ్ లోని పదును, ముఖంపై ఆ గాంభీర్యం అంతకుమించిన యాక్షన్ ఆయన సొంతం అని ప్రత్యేకించి చెప్పనక్కర్లేదు. టాలీవుడ్ లో ఫ్యాక్షన్ డ్రాప్ లో ఎన్నో వందల చిత్రాలు తెరపైకి రాగా ఫ్యాక్షన్ అనగానే గుర్తొచ్చే మొదటి హీరో బాలకృష్ణ.
రాను రాను ట్రెండ్ మారుతూ పోతున్న బాలకృష్ణ మాత్రం ట్రెండ్ ఏదైనా ఫ్యాక్షన్ కథలు తన దగ్గరకు వస్తే ఖచ్చితంగా ఒప్పుకుని చేస్తాడు. ఆ సినిమా హిట్ అవుతుందా లేదా అనేది పక్కన పెడితే, ఫ్యాక్షన్ కథలంటే మహా ఇష్టం. ప్రస్తుతం బోయపాటి శ్రీను డైరెక్షన్ లో వరుసగా మూడవ చిత్రం ఫ్యాక్షన్ బ్యాక్ డ్రాప్ లోనే చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి