കല്യാണം കഴിഞ്ഞ് മനോജിന്റെ വീട്ടിലേക്ക് പോകുമ്പോൾ പേടിയുണ്ടായിരുന്നു എന്ന് ബീന ആന്റണി! സിനിമകളെക്കാൾ കൂടുതൽ ഇപ്പോൾ ബീന ശ്രദ്ധ കേന്ദ്രീകരിച്ചിരിയ്ക്കുന്നത് ടെലിവിഷനിലാണ്. തുടരെ തുടരെ മെഗാ സീരിയലുകൾ ചെയ്തുകൊണ്ടരിയ്ക്കുകയാണ്. അതും നെഗറ്റീവ് വേഷങ്ങൾ. കസ്തൂരിമാനിന് ശേഷം ഇപ്പോൾ മൗനരാഗം സീരിയലിൽ ചെയ്യുന്ന വേഷവും കൈയ്യടി നേടുന്നു. അഭിനയ രംഗത്തേക്ക് ഇറങ്ങാനുള്ള കഷ്ടപ്പാടിനെ കുറിച്ചും തന്റെ കല്യാണത്തെ കുറിച്ചും എള്‌ലാം ബീന ആന്റണി സംസാരിക്കുകയുണ്ടായി. ടെലിവിഷൻ പ്രേമികൾക്കും സിനിമാ പ്രേമികൾക്കും ഇപ്പോൾ ഒരുപോലെ സുപരിചിതയായ നടിയാണ് ബീന ആന്റണി. അഭിനയിക്കാൻ വിടാൻ അപ്പച്ചന് തീരെ താത്പര്യം ഉണ്ടായിരുന്നില്ല. പട്ടിണി കിടന്നും, വാശി പിടിച്ചും ഫൈറ്റ് ചെയ്താണ് അഭിനയ ലോകത്തേക്ക് എത്തിയത്.
പക്ഷെ അഭിനയിച്ചു തുടങ്ങി പെട്ടന്ന് നായികാ റോളിലൊക്കെ എന്നെ കണ്ടപ്പോൾ അപ്പച്ചന് വലിയ സന്തോഷം ആയി. അമ്മച്ചി തുടക്കം മുതലേ സപ്പോർട്ടീവ് ആയിരുന്നു. മൂന്ന് പേരിൽ ഞാൻ എങ്കിലും കുറച്ച് നല്ല രീതിയിൽ മുന്നോട്ട് വന്നാൽ കുടുംബം രക്ഷപ്പെടും എന്ന് അമ്മച്ചി കരുതിയിരുന്നു. അഭിനയ രംഗത്തേക്ക് വരുന്നതിന് വേണ്ടി താൻ ഒരുപാട് കഷ്ടപ്പെട്ടിരുന്നു എന്നാണ് ബീന പറയുന്നത്. ബിഹൈന്റ് വുഡിന് നൽകിയ അഭിമുഖത്തിൽ സംസാരിക്കുകയായിരുന്നു നടി. അച്ഛൻ ആന്റണി വളരെ അധികം സ്ട്രിക്ട് ആയിരുന്നവത്രെ. ആന്റണിയുടെ മകളാണെന്ന് അറിഞ്ഞാൽ തന്നെ നോക്കാൻ പോലും ആളുകൾ ഭയക്കും. ഞങ്ങൾ മൂന്ന് പെൺകുട്ടികൾ ആയിരുന്നത് കൊണ്ട് അക്കാര്യത്തിൽ ഒരു പ്രത്യേക ശ്രദ്ധയും ഉണ്ടായിരുന്നു.
സീരിയലിനെ വിമർശിക്കുന്നവരുണ്ടാവും. ഒട്ടും റിയലിസ്റ്റിക് അല്ല, കഥാപാത്രങ്ങൾ ഓവറായി മേക്കപ്പ് ഇടുന്നു എന്നൊക്കെ പറഞ്ഞുകൊണ്ട്. പക്ഷെ റിയലിസ്റ്റിക് ആയിട്ടുള്ള കഥാപാത്രങ്ങൾ ഒരു കാലത്ത് ചെയ്തിരുന്നു. ഇപ്പോൾ അത് മാറി. അല്ലാത്ത വേഷങ്ങൾ ജനങ്ങൾ അംഗീകരിക്കുന്നില്ല. ഇടുന്ന ഡ്രസ്സും ഓർണമെന്റ്‌സും എല്ലാം നോക്കാൻ വേണ്ടി മാത്രം സീരിയൽ കാണുന്ന സ്ത്രീകളും ഉണ്ട്. പിന്നെ റിമോട്ട് കാണുന്നവരുടെ കൈയ്യിലല്ലേ ഉള്ളത്. ആരെയും നിർബന്ധിച്ച് സീരിയൽ കാണിപ്പിക്കുന്നില്ലല്ലോ.
വേണ്ട എന്നുണ്ടെങ്കിൽ നിങ്ങൾക്ക് മാറ്റാം. അത് നിങ്ങളുടെ സ്വാതന്ത്ര്യമാണ്. കല്യാണ സമയത്തെ ഒരു നല്ല ഓർമ പങ്കിടാനായി അവതാരിക ആവശ്യപ്പെട്ടു. കല്യാണം കഴിഞ്ഞ് നാലാമത്തെ ദിവസമാണ് മനോജിന്റെ വീട്ടിലേക്ക് പോകുന്ന ചടങ്ങ്. ഞാൻ മറ്റൊരു മതത്തിൽ പെട്ട ആളാണ്. മനോജ് ആണെങ്കിൽ അസ്സൽ നായർ കുടുംബവും. കല്യാണത്തിന് വേണ്ടി ഞാൻ മതം മാറിയിരുന്നില്ല. കല്യാണം കഴിഞ്ഞ് മനോജിന്റെ വീട്ടിലേക്ക് പോകുമ്പോൾ നല്ല പേടിയുണ്ടായിരുന്നു. മനോജിന്റെ അമ്മൂമ്മ കരുതിയത് ഞാൻ നായർ കുട്ടിയാണ് എന്ന് തന്നെയാണ്.
Find out more:
click and follow Indiaherald WhatsApp channel