സങ്കടത്തോടെ മഞ്ജു വാര്യരെ കല്യാണവിരുന്നിന് ഒരുക്കി; അനില ജോസഫ്! ലൈസൻസൊക്കെ എടുത്തതിനാൽ കുറേ കാര്യങ്ങളൊക്കെ ചെയ്യാൻ പറ്റുമായിരുന്നു. നമുക്ക് പാർക്കാൻ മുന്തിരിത്തോപ്പുകളിൽ അഭിനയിച്ച അനു ഒക്കെ എന്റെ അടുത്ത് വന്നിട്ടുണ്ട്. ഞാനാണ് ആദ്യത്തെ സ്റ്റാർ എന്നോർത്തോണം എന്ന് പുള്ളിക്കാരി എപ്പോഴും പറയുമായിരുന്നു. പാർവതി ജയറാമിനെ ഒരുക്കിയതോടെയാണ് എന്നെക്കുറിച്ച് ആളുകൾ അറിഞ്ഞ് തുടങ്ങിയത്. ഏഷ്യാനെറ്റിന് നൽകിയ അഭിമുഖത്തിലായിരുന്നു അനില ജോസഫ് മഞ്ജു വാര്യരേയും നയൻതാരയെക്കുറിച്ചുമൊക്കെ സംസാരിച്ചത്. സെലിബ്രിറ്റികളുമായി അടുത്ത ബന്ധമുള്ള മേക്കപ്പ് ആർടിസ്റ്റാണ് അനില ജോസഫ്. പഴയ നടിമാരെ ഒരുക്കിയാണ് ഞാൻ പ്രശസ്തയായത്.പാർവതി ജയറാമാണ് ഞാൻ ആദ്യമായൊരുക്കിയ സെലിബ്രിറ്റി. ഇവിടത്തെ വെജിറ്റബിൾ പീലിനെക്കുറിച്ച് ഇപ്പോഴും പറയാറുണ്ട്.
അതൊക്കെ ചെയ്തപ്പോൾ പാർവതിയുടെ മുഖത്ത് നല്ല മാറ്റമുണ്ടായിരുന്നു. ഇന്നിപ്പോൾ ഇഷ്ടം പോലെ മേക്കപ്പ് ആർടിസ്റ്റുണ്ട്. മുടി ചെയ്യാനൊരാൾ, മുഖം ചെയ്യാനൊരാൾ അങ്ങനെയില്ല അന്ന്. പിന്നെ സ്‌കിൻ ട്രീറ്റ്‌മെന്റിന് ഇന്ന് ഡോക്ടേഴ്‌സിനെയാണ് എല്ലാവരും കാണുന്നത്. അന്ന് എല്ലാം നാച്ചുറലായിരുന്നു. ചെറിയൊരു ഹ്യാൻഡ് ബാഗിൽ കൊള്ളാവുന്ന മേക്കപ്പ് പ്രൊഡക്ട്‌സേയുള്ളൂ. ചുരുക്കം പേരെ അങ്ങനെ ചെയ്യണം, ഇങ്ങനെ ചെയ്യണം എന്ന് പറയാറുള്ളൂ. പാർവതിയുടെ കല്യാണം ഗുരുവായൂരിൽ വെച്ചായിരുന്നു. അന്നത്തെ സൗഹൃദം ഇന്നുമുണ്ട്.പിന്നെ വരുന്നത് മഞ്ജുവാണ്. അഭിനേത്രിയെന്ന നിലയിൽ എനിക്കൊരുപാടിഷ്ടമാണ് മഞ്ജുവിനെ. ഒരു മാഗസിന് വേണ്ടി ഞാൻ മഞ്ജുവിനെ ഒരുക്കിയിരുന്നു. അങ്ങനെ വലിയ ആർടിസ്റ്റൊന്നുമായിട്ടില്ല, ഭാവിയിൽ ആയേക്കുമെന്നായിരുന്നു മഞ്ജുവിനെക്കുറിച്ച് അന്ന് പറഞ്ഞത്.
മേക്കപ്പിനോ ഒരുങ്ങാനോ ഷോപ്പിംഗിനോ ഒന്നും മഞ്ജുവിന് അധികം താൽപര്യമില്ല. ഞാൻ മേടിച്ച് കൊടുക്കുന്നത് ഇടും എന്നായിരുന്നു മഞ്ജുവിനെക്കുറിച്ച് അമ്മ പറഞ്ഞത്. വളരെ സിൻസിയറായിട്ടുള്ള ആളാണ് മഞ്ജു. കല്യാണത്തിന് ഞാൻ തന്നെ മഞ്ജുവിനെ ഒരുക്കുമെന്ന് അന്ന് പറഞ്ഞിരുന്നു.അങ്ങനെയാണ് റിസപ്ക്ഷന് ഒരുക്കാനായി എന്നെ വിളിച്ചത്. കല്യാണം അധികമാരും അറിഞ്ഞിരുന്നില്ലല്ലോ. മഞ്ജു സിനിമയിൽ നിന്ന് പോവുന്നതിൽ സങ്കടമായിരുന്നു എനിക്ക്. വല്ലാത്തൊരു സങ്കടത്തോടെയാണ് മഞ്ജുവിനെ ഒരുക്കിയത്. ഫിലിമിൽ ഇത്രയും നല്ലൊരാളെ നഷ്ടമാവുന്നതിന്റെ വേദനയായിരുന്നു. മഞ്ജു തിരിച്ചെത്തിയപ്പോൾ ഒരുപാട് സന്തോഷമായിരുന്നു.
ട്രിവാൻഡ്രത്ത് വരുമ്പോൾ എന്നെ വിളിക്കാറുണ്ട്. പിന്നെ ഇപ്പോൾ എപ്പോഴും എന്റടുത്തേക്ക് ഓടി വരണമെന്നില്ലല്ലോ, ഒത്തിരി പാർലറുകളും ബ്യൂട്ടീഷ്യനുമൊക്കെയുണ്ടല്ലോ.നയൻതാരയെ ഞാൻ ഒരുക്കിയിട്ടുണ്ട്. അന്ന് അവർ സൂര്യ ടിവിയിലെ ആങ്കറായിരുന്നു. അവർ തിരുവല്ലക്കാരിയാണ്, എന്റെ അമ്മയുടെ വീടും തിരുവല്ലയാണ്. പിന്നെ അവർ ക്രിസത്യനാണ്, ഞാനും അതെ. അതാണെന്ന് തോന്നുന്നു. ഞങ്ങൾ പെട്ടെന്ന് അടുത്തു. വാക്‌സിംഗിനെക്കുറിച്ചുള്ള സംശയമൊക്കെ നയൻതാര ചോദിച്ചിരുന്നു. ഭയങ്കര സിംപിളാണ് നയൻതാര. ശരിക്കും നാച്ചുറൽ ബ്യൂട്ടി എന്ന് പറയാം.
Find out more:
click and follow Indiaherald WhatsApp channel