అయితే నాగచైతన్యతో విడాకుల తర్వాత సమంత తరచూ వార్తల్లో నిలుస్తూ ఉంది అన్న విషయం తెలిసిందే. ఈ క్రమంలోనే ఆమె ఏం చేసినా కూడా హాట్ టాపిక్ గా మారిపోతోంది. సినిమాలతో ఎంత బిజీగా ఉన్నా అటు సోషల్ మీడియాలో అభిమానులతో ఎప్పుడు ముచ్చటిస్తూ ఉంటుంది. అయితే మయోసైటీస్ వ్యాధిబారిన పడిన సమంత సినిమాలకు బ్రేక్ ఇచ్చి అమెరికా వెళ్లి చికిత్స తీసుకుంటుంది. ఎప్పుడు తన ఫోటోలను షేర్ చేస్తూ అభిమానులకు టచ్ లోనే ఉంటుంది. ఈ క్రమంలోనే ఇటీవల సమంత అభిమానులు అందరితో కలిసి ఒక చాట్ సెషన్ నిర్వహించింది. అభిమానులు అడిగిన ప్రశ్నలకు పలు సమాధానాలు చెప్పింది.
మీ స్కిన్ ఎందుకు అంత క్లీన్ అండ్ గ్లో గాఉంటుంది అంటూ ప్రశ్నించగా.. అలా ఏమీ లేదు. నన్ను చిన్మయి గ్లాసిగా తయారు చేస్తానని చెప్పింది. నిజానికి నేను మయోసైటిస్ చికిత్సలో భాగంగా చాలా స్టెరాయిడ్స్ తీసుకున్న. ఇక ఇప్పుడు కూడా స్టెరాయిడ్స్ షాట్స్ తీసుకుంటున్న. దీంతో కొంచెం చర్మం సంబంధిత సమస్యలు వస్తున్నాయి. వాటితో చాలా ఇబ్బంది పడుతున్న దాని కారణంగా ఫేసులో మార్పులు కూడా వచ్చాయి. దీనికోసం ఫిల్టర్ వాడాను. అందుకే క్లీన్ గా కనిపిస్తుంది అంటూ సమంత చెప్పుకొచ్చింది. ఇలా స్టెరాయిడ్స్ వాడినట్లు సమంత కామెంట్ చేయడం కాస్త సోషల్ మీడియాలో హాట్ టాపిక్ గా మారింది.
