ప్రత్యేకంగా “రంగస్థలం”, “మగధీర”, “నాయక్”, “ధృవ”, అలాగే ఇటీవల గ్లోబల్ లెవెల్లో సంచలనం సృష్టించిన “ఆర్ ఆర్ ఆర్” సినిమాలోని డాన్స్ స్టెప్పులతో రామ్ చరణ్ ప్రపంచవ్యాప్తంగా అభిమానులను సంపాదించుకున్నారు. ముఖ్యంగా “నాటు నాటు” పాటతో చరణ్ వేసిన స్టెప్పులు అంతర్జాతీయ స్థాయిలో ప్రశంసలు అందుకుని, తెలుగు సినిమా ఖ్యాతిని విశ్వవ్యాప్తంగా చాటాయి.అయితే ఇంతటి క్రేజ్, ఇంతటి గుర్తింపు ఉన్నప్పటికీ,మెగాస్టార్ చిరంజీవితో పోలిస్తే రామ్ చరణ్ గ్రేట్ కాదు అంటూ తెలంగాణ రాజకీయ నాయకురాలు కల్వకుంట్ల కవిత చేసిన వ్యాఖ్యలు ఇప్పుడు సోషల్ మీడియాలో హాట్ టాపిక్గా మారాయి.
ఇటీవల ఓ సందర్భంలో రామ్ చరణ్ గురించి మాట్లాడిన కల్వకుంట్ల కవిత, ఆయనపై ప్రశంసలు కురిపిస్తూనే ఒక ఆసక్తికరమైన వ్యాఖ్య చేశారు. ఆమె మాట్లాడుతూ –“రామ్ చరణ్ పర్సనల్గా చాలా హంబుల్ పర్సన్. ఎంత పెద్ద స్టార్ అయినా సరే, చాలా సింపుల్గా ఉంటారు. ఆయన నిజంగా గ్రేట్ డాన్సర్… ఇందులో ఎలాంటి సందేహం లేదు. కానీ చిరంజీవి గారి కంటే మాత్రం గ్రేట్ అని చెప్పలేను. ఎందుకంటే నేను చిరంజీవి గారి పెద్ద ఫ్యాన్ని”అంటూ తన అభిప్రాయాన్ని చాలా స్పష్టంగా వెల్లడించారు.ఈ వ్యాఖ్యలు వెలుగులోకి రావడంతో సోషల్ మీడియాలో ఒక్కసారిగా వైరల్ అయ్యాయి. కొందరు అభిమానులు కల్వకుంట్ల కవిత మాటలను సమర్థిస్తుండగా, మరికొందరు మాత్రం రామ్ చరణ్ కూడా తన స్థాయిలో అసాధారణ డాన్సర్ అంటూ కామెంట్లు చేస్తున్నారు. అయినప్పటికీ, ఈ స్టేట్మెంట్లో ఎక్కడా నెగిటివిటీ లేకుండా, చిరంజీవిపై ఉన్న అభిమానాన్ని గౌరవంగా వ్యక్తపరచిన తీరు చాలామందికి నచ్చింది.
ముఖ్యంగా గమనించాల్సిన విషయం ఏమిటంటే,రామ్ చరణ్ స్వయంగా కూడా అనేక సందర్భాల్లో“నా తండ్రి చిరంజీవి గారితో పోలికే లేదు… ఆయన లెవెల్ వేరు”అంటూ చాలా వినయంగా మాట్లాడటం అభిమానులకు బాగా తెలుసు.ఈ నేపథ్యంలో కల్వకుంట్ల కవిత చేసిన వ్యాఖ్యలు, మెగా ఫ్యాన్స్ మధ్య చర్చనీయాంశంగా మారాయి. చిరంజీవి స్థాయిని మరోసారి గుర్తు చేస్తూ, మెగా లెగసీ ఎంత గొప్పదో ఈ వ్యాఖ్యలు చాటిచెప్పాయి. మొత్తానికి,చిరంజీవి – ఒక లెజెండ్,రామ్ చరణ్ – ఆ లెజెండ్ లెగసీని తనదైన శైలిలో ముందుకు తీసుకెళ్తున్న స్టార్ అనే భావనను ఈ వైరల్ స్టేట్మెంట్ మరింత బలపరిచిందని చెప్పడంలో ఎలాంటి సందేహం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి