ఈ పరిస్థితుల మధ్య ఈ మూవీ దర్శకుడు నెల్సన్ గురించి ఒక షాకింగ్ న్యూస్ ఇప్పుడు ప్రచారంలోకి వచ్చింది. ‘జైలర్’ కథ రాసుకున్న తరువాత దర్శకుడు నెల్సన్ మొదట్లో మెగా స్టార్ చిరంజీవిని కలిసి ఈమూవీ కథను చెప్పడం జరిగిందట. అయితే అప్పటికే ‘భోళాశంకర్’ మూవీని చేస్తున్న చిరంజీవి ‘జైలర్’ కథను వినగానే అలాంటి కథ తనకు నప్పదు అని అనడమే కాకుండా నెల్సన్ చెప్పిన కథను చాల కాలం పెండింగ్ ఉంచాడట.
దీనితో విసుకు చెందిన నెల్సన్ ఆకథను రజనీకాంత్ కు వినిపించడం అతడు వెంటనే ఓకె చేయడం జరిగిపోయాయట. ఇప్పుడు ఈవార్త మీడియాకు లీక్ కావడంతో చిరంజీవి ‘భోళాశంకర్’ మూవీని మానుకుని ‘జైలర్’ మూవీని చేసి ఉంటే బాగుండేది కదా అంటూ కొందరు కామెంట్స్ చేస్తున్నట్లు తెలుస్తోంది. ‘భోళాశంకర్’ ఘోరమైన ఫ్లాప్ గా మారడంతో ఆసినిమాను చూసిన చాలామంది చిరంజీవి తన వయసుకు తగ్గ పాత్రలు చేయకుండా ఇంకా హీరోయిన్స్ తో స్టెప్స్ వేయడం ఏమిటి అంటూ కొందరు కామెంట్స్ చేసిన విషయం తెలిసిందే.
వాస్తవానికి ‘జైలర్’ లాంటి సినిమాలో నిజంగా చిరంజీవి నటిస్తే ఎంతవరకు మెగా అభిమానులు అదేవిధంగా తెలుగు ప్రజలు చిరంజీవిని ఆపాత్రలో ఆదరిస్తారు అన్నది సమాధానం లేని ప్రశ్న. ఇప్పటికే చిరంజీవి వయసు 70 సంవత్సరాలు దగ్గర పడుతున్న పరిస్థితులలో మంచి పాత్రలు ఎంచుకోమని సలహాలు వస్తున్న పరిస్థితులలో రానున్న రోజులలో చిరంజీవి ‘జైలర్’ లాంటి సినిమాలను ఎంచుకుని సాహసం చేయగలడో లేదో చూడాలి..
