చంద్రబాబు ఏం నేరం చేశారని జైల్లో పెట్టారు అని నటుడు మురళీమోహన్ ప్రశ్నించారు. చంద్రబాబును చూస్తే చాలా బాధగా ఉందన్న ఆయన గ్రహణం పోయి త్వరలోనే చంద్రబాబు బయటకు వస్తారని మురళీమోహన్ ఆశాభావం వ్యక్తం చేశారు. కనీస వసతులు లేకుండా చంద్రబాబును ఖైదీల మధ్య జైల్లో ఉంచారని ఆయన వాపోయారు. చంద్రబాబు అరెస్ట్ ను నిర్మాత అశ్వనీదత్ ఖండించారు. వచ్చే ఎన్నికల్లో చంద్రసేనదే విజయం అని కూడా ఆయన జోస్యం చెప్పారు. ఇక మరో పక్క చంద్రసేన 160 సీట్లు సాధిస్తుందన్న అశ్వినీదత్ చంద్రసేన అంటే టీడీపీ ప్లస్ జనసేన అని చెప్పుకొచ్చారు. ఇక సినీ పరిశ్రమ నుంచి ఎవరూ రాలేదు ఏమీటీ? అని అడిగితే రాని వాళ్ల గురించి ఇప్పుడెందుకు? సినిమా ఇండస్ట్రీ అంటే నేను మురళీమోహన్ మాత్రమే అనుకుంటా అని అశ్వనీదత్ చేసిన వ్యాఖ్యలు వైరల్ అవుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి