ఇప్పటివరకు రెండు తెలుగు రాష్ట్రాల్లో అత్యధిక షేర్ కలక్షన్ లను వసూలు చేసిన టాప్ 12 మూవీస్ ఏవో తెలుసుకుందాం.

దర్శక ధీరుడు రాజమౌళి దర్శకత్వంలో మెగా పవర్ స్టార్ రామ్ చరణ్ , యంగ్ టైగర్ జూనియర్ ఎన్టీఆర్ హీరోలుగా రూపొందిన "ఆర్ ఆర్ ఆర్" సినిమా రెండు తెలుగు రాష్ట్రాల్లో 272.31 కోట్ల షేర్ కలెక్షన్ లను వసూలు చేసి మొదటి స్థానంలో నిలిచింది. ఆ తర్వాత రెండవ స్థానంలో ప్రభాస్ హీరోగా రాజమౌళి దర్శకత్వంలో రూపొందిన బాహుబలి 2 సినిమా 204 కోట్ల కలక్షన్ లను రెండు తెలుగు రాష్ట్రాల్లో రాబట్టింది. ఇక మూడవ స్థానంలో ప్రభాస్ హీరోగా ప్రశాంత్ నీల్ దర్శకత్వంలో రూపొందిన సలార్ సినిమా 150.73 కోట్ల కలెక్షన్ లతో నిలిచింది. ఇక అల్లు అర్జున్ హీరోగా త్రివిక్రమ్ శ్రీనివాస్ దర్శకత్వంలో రూపొందిన అలా వైకుంఠపురంలో సినిమా 130.17 కోట్ల కలెక్షన్ లతో నాలుగవ స్థానంలో నిలవగా , సూపర్ స్టార్ మహేష్ బాబు హీరోగా రూపొందిన సరిలేరు నీకెవ్వరు సినిమా 117.50 కోట్ల కలెక్షన్ లతో 5 వ స్థానంలో నిలిచింది. ఇక ఆరవ స్థానంలో చిరంజీవి హీరోగా రూపొందిన వాల్తేరు వీరయ్య సినిమా 115.10 కోట్ల కలెక్షన్ లతో నిలవగా , ప్రభాస్ హీరోగా రూపొందిన బాహుబలి సినిమా 114 కోట్ల కలెక్షన్ లతో ఏడవ స్థానంలో నిలిచింది. ఆ తర్వాత చిరంజీవి హీరోగా రూపొందిన సైరా నరసింహా రెడ్డి సినిమా 106.4 కోట్ల కలెక్షన్ లతో 8 వ స్థానంలో నిలిచింది. రామ్ చరణ్ హీరోగా రూపొందిన రంగస్థలం సినిమా 95.27 కోట్ల కలెక్షన్ లతో 9 వ స్థానంలో నిలవగా , గుంటూరు కారం మూవీ 90.53 కోట్ల కలెక్షన్ లతో 10 వ స్థానంలో నిలిచింది. సర్కారు వారి పాట సినిమా 90.07 కోట్ల కలెక్షన్ లతో 11 వ స్థానంలో నిలవగా , తేజ సజ్జ హీరోగా ప్రశాంత్ వర్మ దర్శకత్వంలో రూపొందిన హనుమాన్ సినిమా 89.50 కోట్ల కలెక్షన్ లతో 12 వ స్థానంలో నిలిచింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Tollywood

Pulgam Srinivas

20/02/2024 11:10 AM