నందమూరి నటసింహం బాలకృష్ణ ఆఖరుగా డాకు మహారాజ్ అనే సినిమాతో ప్రేక్షకుల ముందుకు వచ్చాడు. ఈ సినిమా ఈ సంవత్సరం సంక్రాంతి పండుగ సందర్భంగా విడుదల అయ్యి బాక్సా ఫీస్ దగ్గర మంచి విజయాన్ని సొంతం చేసుకుంది. ప్రస్తుతం బాలయ్య , బోయపాటి శ్రీను దర్శకత్వంలో రూపొందుతున్న అఖండ 2 అనే భారీ యాక్షన్ ఎంటర్టైనర్ మూవీలో హీరోగా నటిస్తున్నాడు. ఇప్పటికే అఖండ మూవీ అద్భుతమైన విజయం సాధించి ఉండడంతో అఖండ 2 మూవీ పై బాలయ్య అభిమానులతో పాటు మామూలు ప్రేక్షకులు కూడా మంచి అంచనాలు పెట్టుకున్నారు.

ఈ సినిమాను సెప్టెంబర్ 25 వ తేదీన విడుదల చేయనున్నట్లు మేకర్స్ ఇప్పటికే అధికారికంగా ప్రకటించారు. కానీ ఈ సినిమా విడుదల వాయిదా పడే అవకాశం ఉంది అని ఓ వార్త వైరల్ అవుతుంది. మరి ఈ సినిమా విడుదల వాయిదా పడుతుందా ..? లేక ఈ మూవీ ని చెప్పిన విధంగానే సెప్టెంబర్ 25 వ తేదీన విడుదల చేస్తారా అనేది చూడాలి. బాలయ్య ఇప్పటికే తన తదుపరి మూవీని కూడా ఓకే చేసుకున్నాడు. బాలయ్య తన తదుపరి మూవీ ని గోపీచంద్ మలినేని దర్శకత్వంలో చేయనున్నాడు. ఈ మూవీకి సంబంధించిన అధికారిక ప్రకటన కూడా వెలువడింది.

ఈ మూవీ కి సంబంధించిన అధికారిక ప్రకటనను  ఎన్బికె 111 అనే వర్కింగ్ టైటిల్ తో విడుదల చేశారు.  ప్రస్తుతం అందుతున్న సమాచారం ప్రకారం ఈ మూవీ కి సంబంధించిన ఓపెనింగ్ ను అక్టోబర్ 2 వ తేదీన చేయనున్నట్లు , దసరా పండుగ తర్వాత ఈ మూవీ యొక్క రెగ్యులర్ షూటింగ్ను స్టార్ట్ చేయబోతున్నట్లు తెలుస్తోంది. ఇప్పటికే బాలయ్య , గోపీచంద్ మలినేని కాంబోలో వీర సింహా రెడ్డి అనే సినిమా వచ్చి మంచి విజయం సాధించింది. దానితో వీరి కాంబోలో రూపొందనున్న రెండవ సినిమాపై కూడా ప్రేక్షకుల్లో మంచి అంచనాలు నెలకొనే అవకాశం చాలా వరకు ఉంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

nbk

Pulgam Srinivas

26/08/2025 08:10 AM