బిగ్ బ్రేకింగ్: "ఐబొమ్మ" ఈజ్ బ్యాక్.. జెట్ స్పీడ్ తో మళ్ళీ వచ్చేసిందోచ్.. కానీ ఈసారి ట్విస్ట్ అదే..!
పోలీసుల ధైర్యసాహసాలకు అభినందనలు వెల్లువెత్తుతున్నాయి. పైరసీని ప్రోత్సహిస్తూ సవాళ్లు విసిరిన నిందితుడిని పట్టుకుని చట్టం ముందు నిలబెట్టినందుకు తెలంగాణ సైబర్ క్రైమ్ విభాగం పనితీరుపై ప్రశంసలు కురుస్తున్నాయి. అయితే, ఇదే సమయంలో మరో షాకింగ్ డెవలప్‌మెంట్ వెలుగులోకి వచ్చింది.సోషల్ మీడియాలో తాజా సమాచారం ప్రకారం, "iBOMMA One" అనే కొత్త పైరసీ వెబ్‌సైట్ ప్రత్యక్షమైంది. రూపంలోనూ, పేరులోనూ, పనిచేసే విధానంలోనూ ఇది పాత iBOMMA తరహాలోనే ఉండటం ఆందోళన కలిగిస్తోంది. ఈ సైట్‌లో కొత్త సినిమాలు, ఓటీటీ కంటెంట్, బహుభాషా మూవీస్ అన్నీ కనబడుతున్నాయి. ఏదైనా సినిమా పోస్టర్‌పై క్లిక్ చేస్తే అది నేరుగా MovieRulzకు రీడైరెక్ట్ అవుతుండటంతో, ఇది వారి ఎకోసిస్టమ్‌లో భాగమేనన్న అనుమానాలు మరింత బలంగా మారాయి.
తెలంగాణ పోలీసులు ప్రాథమిక విచారణలో iBOMMA నెట్‌వర్క్‌కు చెందిన 65కిపైగా మిర్రర్, క్లోన్, బ్యాకప్ వెబ్‌సైట్లు ఉన్నట్లు గుర్తించినట్టు సమాచారం. అందులో భాగంగానే కొత్త “iBOMMA One”ను పాపులారిటీ కోసం ముందుకు తెచ్చే ప్రయత్నం జరిగిందని భావిస్తున్నారు. పైరసీ దందా మూలాలు ఎంత లోతుగా విస్తరించాయో ఇది మరోసారి రుజువైంది.ఈ పరిస్థితుల్లో సినీ పరిశ్రమలోని ప్రధాన వ్యక్తులు, అలాగే సినిమా ప్రేమికులు ఒకటిగా ఆన్‌లైన్ పైరసీకి పూర్తిగా చెక్ పెట్టాలనే డిమాండ్ చేస్తున్నారు. iBOMMAను అడ్డుకట్ట వేసినట్లే, సంవత్సరాలుగా నష్టపరిచిన MovieRulz, TamilYogi, tamil One, FilmyZilla వంటి ఇతర పైరసీ నెట్‌వర్క్‌లను కూడా కట్టుదిట్టంగా ఆపాలని కోరుతున్నారు.
ప్రస్తుతం దేశవ్యాప్తంగా పైరసీపై చర్యలు వేగవంతమవుతున్న నేపథ్యంలో, త్వరలోనే ఈ సైట్లపై కూడా సమగ్ర ఆపరేషన్లు జరుగుతాయన్న నమ్మకం సినీ రంగంలో నెలకొంది. డిజిటల్ యుగంలో పైరసీతో పోరాడటం ఎంత క్లిష్టమో తెలిసినప్పటికీ, చట్టం మరియు టెక్నాలజీ కలిసి పని చేస్తే ఈ సమస్యను పూర్తిగా తగ్గించవచ్చని నిపుణులు భావిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి