సాధారణంగా విజయ్ సేతుపతి అంటే చాలా మందికి ఒక సాఫ్ట్ అండ్ సింపుల్ వ్యక్తి, డీసెంట్ లుక్స్తో కనిపించే హీరోగా పరిచయం ఉంది. కానీ ఈసారి మాత్రం ఆయన తన ఫ్యాన్స్కి ఊహించని షాక్ ఇచ్చాడనే చెప్పాలి. ఇప్పటివరకు ఎప్పుడూ చూడని విధంగా పూర్తిగా వింతగా, అస్సలు గుర్తుపట్టలేనంతగా తన లుక్ను మార్చుకుని కనిపించాడు.
లేటెస్ట్గా విడుదలైన బిగ్ బాస్ తమిళ్ ప్రోమోలో విజయ్ సేతుపతి ఈ కొత్త లుక్లో దర్శనమివ్వడంతో తమిళ ప్రేక్షకులు ఒక్కసారిగా ఖంగుతిన్నారు. “ఇది నిజంగా విజయ్ సేతుపతేనా?” అనే అనుమానం కూడా చాలా మందికి వచ్చింది.ముఖ్యంగా తమిళ కమెడియన్ రెడిన్ కింగ్స్లే లుక్ను పోలి ఉండే విధంగా విజయ్ సేతుపతి తనను తాను మలుచుకోవడం కొందరికి ఫన్నీగా అనిపిస్తే, మరికొందరికి మాత్రం పూర్తిగా షాకింగ్గా మారింది. సోషల్ మీడియాలో ఆయన ఈ లుక్పై మిశ్రమ స్పందన కనిపిస్తోంది.
ఇంతకీ ఈ లుక్ ఏ సినిమా కోసమా? లేక బిగ్ బాస్కు సంబంధించిన ప్రత్యేక కాన్సెప్ట్లో భాగమా? అనే విషయంపై ఇప్పటివరకు అధికారిక సమాచారం రాలేదు. అయితే ఏదేమైనా, విజయ్ సేతుపతి చేసిన ఈ డేర్ అండ్ డిఫరెంట్ లుక్ మాత్రం ప్రస్తుతం సోషల్ మీడియాలో వైరల్ అవుతోంది.ఒక విషయం మాత్రం స్పష్టంగా చెప్పాలి…లుక్ ఏదైనా, పాత్ర ఏదైనా, విజయ్ సేతుపతి తన నటనతో మళ్లీ మ్యాజిక్ చేస్తాడనే నమ్మకం మాత్రం ఫ్యాన్స్లో ఇంకా అలాగే ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి