హైదరాబాద్ కు చెందిన ఓ వాహనదారుడు అలాగే ఫీలయ్యే వాడు. ఆ వాహన దారుడికి హెల్మెట్ పెట్టుకోవడం అస్సలు ఇష్టం లేదనుకుంటా.. అలా చాలా సార్లు ట్రాఫిక్ కెమేరాలకు చిక్కాడు. అయితే మనోడికి ట్రాఫిక్ చలాన్లు ఉంటాయని తెలియదేమో.. 2018 నుంచి తన వాహనంపై చలాన్లు నమోదవుతున్నా పట్టించుకోలేదు. అలా క్రమంగా ఆ చలాన్ల సంఖ్య ఏకంగా 130కు చేరింది. ట్రాఫిక్ నిబంధనలు ఉల్లంఘించి 130 చలాన్లు ఉన్న ఓ ద్విచక్ర వాహనదారుపై జూబ్లీహిల్స్ ట్రాఫిక్ పోలీసులు ఏకంగా కేసు నమోదు చేశారు.
జూబ్లీహిల్స్ చెక్పోస్టులో తనిఖీలు నిర్వహిస్తుండగా ఈ మహానుభావుడు దొరికిపోయాడు. వెంకటగిరి వైపు నుంచి జూబ్లీహిల్స్ రోడ్ నంబరు 2 వైపు వస్తున్నప్పుడు ఆపి చెక్ చేశారు. టీఎస్10 ఈఆర్ 7069 నెంబరున్న ఈ వాహనం చలాన్లు చెక్ చేశారు. 2018 నుంచి ఇప్పటివరకు 130 చలాన్లు అతని వాహనంపై ఉన్నాయి. వీటిలో ఎక్కువగా హెల్మెట్ పెట్టుకోకపోవడం గురించే ఉన్నాయి. కొన్నిసార్లు అతి వేగం, రాంగ్ పార్కింగ్, వంటి ఉల్లంఘనలు కూడా ఉన్నాయి.
ఈ చలాన్ల లిస్టు చూసిన ట్రాఫిక్ పోలీసులు అతని వాహనాన్ని స్వాధీనం చేసుకున్నారు. చలాన్ల మొత్తం ఎంతయ్యిందో తెలుసా.. రూ.35,950 రూపాయలు. ఆ మొత్తం చెల్లించాలని పోలీసులు అడిగితే.. అంత సొమ్ము తన వద్ద లేదని చెప్పాడు. దీంతో పోలీసులు అతని హోండా యాక్టివాను స్వాధీనం చేసుకొన్నారు. వాహనదారు విజయ్ మాదాపూర్లోని ఓ సాఫ్ట్వేర్ సంస్థలో ఉద్యోగిగా తెలుస్తోంది. ఎందుకైనా మంచిది మీరు కూడా మీ వాహనం చలాన్లు చెక్ చేసుకోండి.