ఈ సినిమా షూటింగ్ సమయంలో మొదలైన వీరి స్నేహం ఆ తర్వాత ప్రేమగా మారిందనే గుసగుసలు అప్పట్లోనే వినిపించాయి. ఇప్పుడు ఆ ప్రేమ నిశ్చితార్థం దాకా వెళ్లిందని అభిమానులు సోషల్ మీడియాలో కామెంట్లు పెడుతున్నారు. వీళ్ళిద్దరి కెమిస్ట్రీ ఆన్‌స్క్రీన్‌లో ఎంత నేచురల్‌గా ఉందో, ఆఫ్‌స్క్రీన్‌లో కూడా అంతే బలంగా ఉందని ఫ్యాన్స్ అంటున్నారు. ఇక ఆసక్తికరమైన విషయం ఏమిటంటే — ‘గీతా గోవిందం’ సినిమాలో మొదట హీరోయిన్‌గా రష్మిక కాదు, మెగా కోడలు లావణ్య త్రిపాఠినే అనుకున్నారట. దర్శకుడు పరశురామ్ ముందుగా లావణ్యను ఈ పాత్ర కోసం సంప్రదించారట. అయితే సినిమాలో లిప్‌లాక్ సీన్లు ఉన్నాయనే కారణంతో ఆమె ఆ ఆఫర్‌ను తిరస్కరించిందట. అలా ఆ ఛాన్స్ రష్మిక మందన్నా ఖాతాలో పడింది.
ఫ్యాన్స్ సరదాగా “లావణ్య ఆ పాత్రను వదులుకోకపోయి ఉంటే, రష్మిక–విజయ్ జంటగా మారేవాళ్లు కాదేమో!” అంటూ సోషల్ మీడియాలో కామెంట్లు చేస్తున్నారు. పరోక్షంగా లావణ్య త్రిపాఠినే రష్మిక–విజయ్ ప్రేమకథకు కారణమన్నట్టుగా అభిమానులు హాస్యంగా మాట్లాడుకుంటున్నారు. ప్రస్తుతం ఈ న్యూస్ సోషల్ మీడియాలో హాట్ టాపిక్‌గా మారి, ట్విట్టర్ నుండి ఇన్‌స్టాగ్రామ్ వరకూ విపరీతంగా వైరల్ అవుతోంది. రష్మిక–విజయ్ ఫ్యాన్స్ మాత్రం ఓ రేంజ్ లో ఫుల్ ఖుషి అవుతున్నారు. వీళ్లిద్దరు ఎప్పుడు ఇలా హ్యాపీగా ఉండాలి అంటూ కోరుకుంటున్నారు..!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి