కృష్ణా జిల్లాలో వైసీపీలో రెండుసార్లుకు మించి గెలిచిన ఎమ్మెల్యేలు ఉన్నారు. తొలిసారి ఎమ్మెల్యేగా గెలిచిన వారికి...రాజకీయంగా అంత అవగాహన ఉండకపోవడం వల్ల కాస్త ప్రజల్లో పట్టు దక్కించుకోవడం లేటు అవుతుంది. కానీ సీనియర్ ఎమ్మెల్యేలకు ఆ సమస్య ఉండదు. మరి అలాంటి ఎమ్మెల్యేలు కూడా మెరుగైన పనితీరు కనబర్చకపోతే, ప్రజలు పక్కనబెట్టేయడం ఖాయం. అయితే కృష్ణా జిల్లాలో ఎంతమంది ఎమ్మెల్యేలకు మళ్ళీ గెలిచే అవకాశాలు ఉన్నాయి..ఎంతమంది ఎమ్మెల్యే టఫ్ ఫైట్ ఎదురుకుంటారనే విషయాన్ని ఒక్కసారి చూస్తే....నెక్స్ట్ మంత్రి కొడాలి నానికి మళ్ళీ తిరుగులేదని తెలుస్తోంది. గుడివాడ నుంచి ఈయనకు ఐదోసారి గెలిచే అవకాశాలు ఉన్నాయి. ఎందుకంటే గుడివాడలో టిడిపి పరిస్తితి మరీ ఘోరంగా ఉంది. తిరువూరు ఎమ్మెల్యే రక్షణనిధి, నూజివీడు ఎమ్మెల్యే మేకా ప్రతాప్లకు కూడా కాస్త ఎడ్జ్ ఉంది...వీరి గెలుపుకు అవకాశాలు బాగానే ఉన్నాయి.
ఇటు వస్తే పెడన ఎమ్మెల్యే, మచిలీపట్నం నుంచి ప్రాతినిధ్యం వహిస్తున్న మంత్రి పేర్ని నాని, పెనమలూరు ఎమ్మెల్యే కొలుసు పార్థసారథిలో టఫ్ ఫైట్ ఎదురుకునే అవకాశాలు కనిపిస్తున్నాయి. ఇక విజయవాడ సెంట్రల్ ఎమ్మెల్యే మల్లాది విష్ణు, వెస్ట్ నుంచి ప్రాతినిధ్యం వహిస్తున్న మంత్రి వెల్లంపల్లి శ్రీనివాస్లకు కాస్త గెలుపు అవకాశాలు తక్కుగా కనిపిస్తున్నాయని తెలుస్తోంది. జగ్గయ్యపేటలో సామినేని ఉదయభానుకు కూడా టఫ్ ఫైట్ తప్పదు. టిడిపి నుంచి వైసీపీలోకి వచ్చిన గన్నవరం ఎమ్మెల్యే వల్లభనేని వంశీకి గెలిచే ఛాన్స్ ఎక్కువగా ఉంది.