రష్మిక మందన్న, నిధి అగర్వాల్ లాంటి టాప్ హీరోయిన్లు సైతం ఇక వేణు స్వామితో ఇంట్లో ప్రత్యేకమైన పూజలు చేయించుకోవడం అటు సోషల్ మీడియాలో సంచలనంగా కూడా మారిపోయింది. అయితే మొన్నటి వరకు సినీ సెలబ్రిటీల జాతకంలో భవిష్యత్తులో ఏం జరగబోతుందో చెప్పి హాట్ టాపిక్ గా మారిపోయిన వేణు స్వామి.. ఇక ఇటీవల తెలంగాణ ఎలక్షన్స్ గురించి కూడా చెప్పేసాడు. ఏకంగా తెలంగాణ ఎలక్షన్స్ లో బిఆర్ఎస్ పార్టీ ఘన విజయాన్ని అందుకోబోతుందని.. ముఖ్యమంత్రిగా కేసీఆర్ మూడోసారి ప్రమాణస్వీకారం చేస్తారని.. ఒకవేళ అలా జరగకపోతే తాను జ్యోతిష్యం ఆపేస్తాను అంటూ చెప్పాడు వేణు స్వామి.
ఇటీవల విడుదలైన తెలంగాణ అసెంబ్లీ ఎన్నికల ఫలితాలలో ఏం జరిగిందో అందరూ చూసే ఉంటారు. టిఆర్ఎస్ పార్టీ గెలుస్తుంది అనుకున్నప్పటికీ ఊహించని విధంగా ప్రజల తీర్పు ఇచ్చారు. ఏకంగా కాంగ్రెస్ పార్టీకి 64 సీట్లు కట్టబెట్టారు. దీంతో త్వరలో కాంగ్రెస్ పార్టీ తెలంగాణలో ప్రభుత్వాన్ని ఏర్పాటు చేయబోతుంది. దీంతో ఇక టిఆర్ఎస్ గెలుస్తుంది అని చెప్పిన వేణు స్వామి పై సోషల్ మీడియాలో ట్రోల్స్ మొదలయ్యాయి. ఇక చెప్పినట్టుగానే వేణు స్వామి జ్యోతిష్యం ఆపేయాలని అప్పుడైనా సోషల్ మీడియాలో ఈ రచ్చ తగ్గుతుంది అంటూ ఎంతో మంది నేటిజన్స్ కామెంట్లు చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి