తాజాగా మెదక్‌ బీఆర్ఎస్ పార్టీ కార్యాలయంలో మాజీ మంత్రి ప్రస్తుతం ఎమ్మెల్యే హరీష్ రావు గారు ప్రెస్ మీట్ ను నిర్వహించారు. అందులో భాగంగా ఆయన మాట్లాడుతూ... మెదక్‌ను జిల్లా చేస్తామని చెప్పి ఇందిరాగాంధీ మాట ఇచ్చి అక్కడి ప్రజలను మోసం చేస్తే ఆ కలను నెరవేర్చింది కేసీఆర్ గారు. రేవంత్ రెడ్డి చెప్పవన్నీ అబద్ధాలే. మెదక్ రాందాస్ చౌరస్తా మీదుగా నామినేషన్ కు వెళ్లావే, అక్కడ ఈ ప్రాంత అభివృద్ధి నికు కనిపించలేదా అని రేవంత్ నీ ప్రశ్నించాడు. నువ్వు నామినేషన్‌కు వెళ్లిన కలెక్టరేట్ కూడా కట్టింది కేసీఆర్. నిన్ను మెదక్‌కు రప్పించిన ఘనత కూడా కేసీఆర్‌దే. మెదక్‌కు రైలు తెచ్చింది కేసీఆర్.

వంద కోట్లు ఖర్చు చేసి లైన్ తెచ్చాడు. మూడు జిల్లాలు చేసి, మూడు మెడికల్ కాలేజీలు కెసిఆర్ ఏర్పాటుచేశాడు. చిట్టచివరి ఆయకట్టుకు నీళ్లిచ్చాడు. ఇంత చేసినా కేసీఆర్ ఏమీ చేయలేదంటున్నావు. ఏడుపాయల అమ్మవారికి కేసీఆర్ వందకోట్లు ఇస్తే వాపసు తీసుకున్నావు. నీకు అమ్మవారి ఉసురు తగులుతుంది. అబద్ధాలు ఆడడంలో రేవంత్‌కు ఆస్కార్ అవార్డు ఇవ్వాలి. ఉరికిచ్చి కొడ్తా , పేగులు మెడలే వేసుకుంటా , బొందపెడ్తా , మానవ బాంబునవుతా అంటున్నావు. ఇవేనా సీఎం మాట్లాడ్లాల్సింది? హామీల గురించి అడిగితే హెచ్చరిస్తున్నావు కేసులు పెడుతున్నావు.  

డిసెంబ్ 9న రుణమాఫీ చేస్తానని వందరోజులు దాటినా చేయనందుకు చెంపలేసుకుని 60 లక్షల మంది రైతులకు క్షమాపణ చెప్పు. మాట తప్పడం, అబద్ధాలు ఆడడం రేవంత్ నైజం. మా అభ్యర్థి వెంకట్రామిరెడ్డిని లోకల్ కాదంటున్నావు, ఆయన ఇక్కడే స్థిరపడిన ఓటర్. కొడంగల్‌లో ఓడిపోయి మల్కాజిగిరికి పోయింది నువ్వు. నా ఎత్తుతో రేవంత్‌కు ఏం పని? రైతుల గురించి ఆలోంచి, సమస్యలు పరిష్కరించాలి. అహంకారంతో గాల్లో తేలుతున్న కాంగ్రెస్ భూమ్మీది రావాలంటే వెంకట్రామిరెడ్డిని పార్లమెంటుకు వెళ్లాలి. ధాన్యం కొనుగోలు కేంద్రాల్లో రైతులు 18 రోజులుగా వేచిచూస్తున్నా ప్రభుత్వం కొనడం లేదు.

బీఆర్ఎస్ ప్రభుత్వ హయాంలో తడిచి మొలకెత్తిన ధాన్యాన్ని కూడా కొన్నాం. కష్టాల పాలైన రైతులను పరామర్శించడానికి నీకు ఒక్క నిమిషం టైమ్ దొరకడం లేదా? మీ పార్టీ నేతలు వీహెచ్, మోత్కుపల్లిలనే నువ్వు కలవడం లేదు. ఇదేనా ప్రజా పాలన..? మా పార్టీ ఎమ్మెల్యేలను లాక్కునే బదులు ప్రజల కష్టాలు తీర్చు. కేసీఆర్‌ను తిడుతూ కాలక్షేపం చేయడం కాదు హామీలను నెరవేర్చు. హామీలు కోసం బాండు రాసిచ్చి బాండ్ల విలువ కూడా తీశావు. మెదక్‌లో గెలిచేది బీఆర్ఎస్సే. జిల్లా ఇచ్చింది మేం, గోదావరి నీళ్లు తెచ్చింది మేం, లక్షల ఉద్యోగాలు ఇచ్చింది మేం. విజ్ఞులైన మెదక్ ఓటర్లు మమ్మల్నే ఆదరిస్తారు అని హరీష్ రావు అన్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Hr

Pulgam Srinivas

22/04/2024 09:08 AM